ട്രെയിലറിൽ നിന്ന് ട്രാൻസ്‌ഫോർമർ മറിഞ്ഞ്  അപകടം, വൻ ഗതാഗത കുരുക്ക്

കൊച്ചി: കൊച്ചിയിൽ ട്രെയിലറിൽ നിന്ന് കൂറ്റൻ ട്രാൻസ്‌ഫോർമർ മറിഞ്ഞ് അപകടം. കാക്കനാട് ഇൻഫോപാർക്ക് ഗേറ്റിന് സമീപം സീപോർട്ട്-എയർപോർട്ട് റോഡിലാണ് അപകടം. ഇന്ന് ഉച്ചകഴിഞ്ഞാണ് കൂറ്റൻ ട്രാൻസ്ഫോമർ റോഡിലേക്ക് വീണത്. ബ്രഹ്മപുരത്ത് നിന്ന് കളമശ്ശേരിയിലേക്ക് അറ്റകുറ്റപ്പണികൾക്കായി കൊണ്ടുപോകുന്നതിനിടെയായിരുന്നു സംഭവം.

ട്രാന്‍സ്‌ഫോര്‍മര്‍ റോഡിന്റെ മദ്ധ്യഭാഗത്ത് വീണതിനാൽ വലിയ രീതിയിലുള്ള ഗതാഗതക്കുരുക്കാണ് സീപോര്‍ട്ട്-എയര്‍പോര്‍ട്ട് റോഡില്‍ രൂപപ്പെട്ടത്. ഏറെ നേരം വാഹനങ്ങൾക്ക് മുന്നോട്ട് നീങ്ങാൻ കഴിഞ്ഞില്ല. ട്രാൻസ്‌ഫോർമർ മാറ്റാനും ഗതാഗതം പുനഃസ്ഥാപിക്കാനും പൊലീസും അഗ്നിരക്ഷാസേനയും സംയുക്തമായി ശ്രമിക്കുകയാണ്.