കല്യാണമേളം തുടങ്ങിയതോടെ സ്വർണത്തിന് വൻ ഇടിവ്, ഇന്ന് ഒരു പവന്റെ വില എത്രയെന്നോ?

Wednesday 20 August 2025 11:42 AM IST

തിരുവനന്തപുരം: ചിങ്ങം പുലർന്നതോടെ കേരളത്തിൽ കല്യാണമേളം തുടങ്ങിയിരിക്കുകയാണ്. ഇപ്പോഴിതാ കല്യാണപ്പാർട്ടികൾക്ക് ആശ്വാസമായി സ്വർണവില ഇടിയുന്നു. രണ്ട് ദിവസത്തിനിടെ 800 രൂപയും പത്ത് ദിവസത്തിനിടെ 2120 രൂപയുമാണ് സ്വർണത്തിന് കുറഞ്ഞത്. ഇന്ന് പവന് 440 രൂപയും കുറഞ്ഞു. 9180 രൂപയാണ് ഇന്ന് ഒരു ഗ്രാം സ്വർണത്തിന്റെ വില. ഒരു പവൻ സ്വർണത്തിന് 73,440 രൂപയും.

ഓഗസ്റ്റ് എട്ടിനായിരുന്നു ഈ മാസത്തെ ഏറ്റവും ഉയർന്ന സ്വർണനിരക്ക് രേഖപ്പെടുത്തിയത്. അന്ന് പവന് 75,760 രൂപയും ഗ്രാമിന് 9,470 രൂപയുമായിരുന്നു. ഈ മാസത്തെ ഏറ്റവും കുറവ് സ്വർണനിരക്ക് രേഖപ്പെടുത്തിയത് ഓഗസ്റ്റ് ഒന്നിനായിരുന്നു. അന്ന് പവന് 73,200 രൂപയും ഗ്രാമിന് 9,150 രൂപയുമായിരുന്നു. ആഭരണം വാങ്ങുമ്പോള്‍ സ്വര്‍ണവിലയോടൊപ്പം, പണിക്കൂലി, ജിഎസ്ടി, ഹാള്‍മാര്‍ക്കിംഗ് ചാര്‍ജ് എന്നിവയെല്ലാം നല്‍കണം. അതിനാൽ ഒരു പവൻ സ്വർണം വാങ്ങാൻ 80,000 രൂപയ്ക്ക് മുകളിൽ നൽകേണ്ടി വന്നേക്കാം.

ഓഗസ്റ്റ് മാസത്തെ സ്വർണവില (പവൻ നിരക്കിൽ)

ഓഗസ്റ്റ് 1 - 73,200

ഓഗസ്റ്റ് 2- 74,320

ഓഗസ്റ്റ് 3- 74,320

ഓഗസ്റ്റ് 4- 74,360

ഓഗസ്റ്റ് 5- 74,960

ഓഗസ്റ്റ് 6- 75,040

ഓഗസ്റ്റ് 7- 75,200

ഓഗസ്റ്റ് 8- 75,760

ഓഗസ്റ്റ് 9- 75,560

ഓഗസ്റ്റ് 10- 75,560

ഓഗസ്റ്റ് 11- 75,000