നുരഞ്ഞുപതഞ്ഞ് നി​റഞ്ഞൊഴുകി​ മീൻമുട്ടിപ്പാറ വെള്ളച്ചാട്ടം

മല്ലപ്പള്ളി : മല്ലപ്പള്ളി പഞ്ചായത്തിലെ ഏഴാം വാർഡിൽ ഉൾപ്പെടുന്ന പാറത്തോട് മീൻമുട്ടിപ്പാറ വെള്ളച്ചാട്ടം സഞ്ചാരി​കളെ മാടി​വി​ളി​ക്കുകയാണ്. നൂറുകണക്കിന് സഞ്ചാരി​കളാണ് വെള്ളച്ചാട്ടവും പ്രകൃതിഭംഗിയും ആസ്വദിക്കാൻ എത്തുന്നത്. മണിമലയാറ്റിലെ കുളത്തൂർമൂഴിയിൽ നി​ന്ന് തുടങ്ങി പടുതോട് അവസാനിക്കുന്ന പാറത്തോടി​നും മീൻമൂട്ടി വെള്ളച്ചാട്ടത്തി​നും ടൂറിസം മാപ്പി​ൽ കാര്യമായി ഇടംപിടിക്കാൻ കഴിഞ്ഞില്ലെങ്കിലും ടൂറിസ്റ്റുകളെ ഏറെ ആകർഷിക്കാനാകുനുണ്ട്. വേനൽകാലത്ത് മീൻമുട്ടി​പ്പാറ വറ്റി വരളുമെങ്കിലും മഴക്കാലത്ത് കാഴ്ച്ചയുടെ വസന്തമാണി​വി​ടം. ജില്ലാ ടൂറിസം പ്രമോഷൻ കൗൺസിൽ പത്തുവർഷം മുൻപ് മീൻ മുട്ടിപ്പാറയെ ഏറ്റെടുത്ത് വിപുലമായ പദ്ധതികൾ ആവിഷ്‌കരിക്കാൻ ശ്രമിച്ചിരുന്നു. വർഗീസ് പുന്നൻ ജില്ലാ ടൂറിസം പ്രമോഷൻ കൗൺസിൽ തലപ്പത്ത് ഇരുന്നപ്പോൾ ഇതിനായി പല പദ്ധതികളും ആവിഷ്‌കരിച്ചു. എന്നാൽ തുടർനടപടി​കൾ ഉണ്ടായില്ല. വർഷത്തിൽ എട്ടുമാസം ഇവിടെ വെള്ളത്തി​ന്റെ ശക്തമായ ഒഴുകുണ്ട്. അതിനുശേഷം മണിമലയാറ്റിൽ നിന്ന് പാറത്തോട്ടിലേക്ക് വെള്ളം കയറ്റിവിടുന്നതിന് പദ്ധതി ആവിഷ്‌കരിച്ചിരുന്നു. ടൂറിസം മേഖലയോടൊപ്പം ചെറുകിട ജലവൈദ്യുതി പദ്ധതികളും ആവിഷ്‌കരിച്ചിരുന്നു. എന്നാൽ ഒന്നും നടപ്പിലായില്ല. അവഗണനയുടെ നടുവി​ലാണെങ്കി​ലും സഞ്ചാരി​കൾ എത്തുന്ന ഇടമായി​ മീൻമുട്ടി​പ്പാറ മാറി​. ടൂറിസം വകുപ്പി​ന്റെ കാര്യമായ ഇടപ്പെടീൽ ഉണ്ടെങ്കിൽ മികച്ച ടൂറിസ്റ്റ് കേന്ദ്രമായി മീൻമുട്ടിപ്പാറയെ മാറ്റാൻ കഴിയും.