ഓരോ മാസവും 9250 രൂപ കൈയിൽ കിട്ടും, ജോലിക്കൊപ്പം അധിക വരുമാനം; സുഖമായി ജീവിക്കാം

വരുമാനത്തിന്റെ ഒരു നിശ്ചിത ഭാഗം ഭാവിയിലെ ആവശ്യങ്ങൾക്കായി സൂക്ഷിച്ചുവയ്ക്കുന്നവരുണ്ട്. അതിനായി നിരവധി നിക്ഷേപപദ്ധതികളും നിലവിലുണ്ട്. തപാൽ വകുപ്പിന്റെ കീഴിലുളള നിരവധി പദ്ധതികൾ നിക്ഷേപകർക്ക് മികച്ച ലാഭമാണ് നൽകുന്നത്. പോസ്‌​റ്റ് ഓഫീസ് റെക്കറിംഗ് ഫണ്ട്, പ്രതിമാസ വരുമാന പദ്ധതി, കിസാൻ വികാസ് പത്ര അവയിൽ ചിലതാണ്. പ്രതിമാസം നിങ്ങളുടെ അക്കൗണ്ടിൽ 9,250 രൂപ എത്തിയാലോ? അതിനു സഹായിക്കുന്നതാണ് പോസ്‌​റ്റ് ഓഫീസ് പ്രതിമാസ വരുമാന പദ്ധതി.

ഒരു നിശ്ചിത തുക ഒ​റ്റത്തവണയായി ഈ പദ്ധതിയിൽ നിക്ഷേപിക്കുകയാണെങ്കിൽ നിങ്ങൾക്ക് പ്രതിമാസം നല്ലൊരു തുക കൈയിൽ കിട്ടും. പദ്ധതിയിൽ ഒ​റ്റതവണയായി 15 ലക്ഷം രൂപ നിക്ഷേപിക്കുകയാണെങ്കിൽ പ്രതിമാസം നിങ്ങൾക്ക് 9,250 രൂപ കിട്ടും. അതായത് 7.4 ശതമാനം പലിശനിരക്കിലാണ് ഈ തുക ലഭിക്കുന്നത്. അഞ്ച് വർഷമാണ് പദ്ധതിയുടെ കാലാവധി. ഈ കാലയളവിനുളളിൽ നിക്ഷേപകൻ മരിക്കുകയാണെങ്കിൽ നോമിനിക്ക് പണം പിൻവലിക്കാൻ സാധിക്കും.

നിക്ഷേപം ആയിരം രൂപ നിക്ഷേപിച്ച് ഈ പദ്ധതിയിൽ ചേരാവുന്നതാണ്. ഒ​റ്റയ്‌ക്കോ അല്ലെങ്കിൽ സംഘമായോ ഈ പദ്ധതിയിൽ അക്കൗണ്ട് എടുക്കാം. ഒ​റ്റയ്ക്കാണ് നിങ്ങൾ പദ്ധതിയിൽ ചേരുന്നതെങ്കിൽ ഒമ്പത് ലക്ഷം രൂപ വരെ ഒ​റ്റത്തവണയായി നിക്ഷേപിക്കാം. ജോയിന്റ് അക്കൗണ്ടുകളിൽ 15 ലക്ഷം രൂപ വരെ നിക്ഷേപിക്കാവുന്നതാണ്. ഈ ബാങ്കിംഗിലൂടെയോ അടുത്തുളള പോസ്‌​റ്റ് ഓഫീസ് ശാഖ സന്ദർശിച്ചോ നിങ്ങൾക്ക് അക്കൗണ്ട് ആരംഭിക്കാവുന്നതാണ്.