യൂത്ത് കോൺഗ്രസിന്റെ ക്ളിഫ് ഹൗസ് മാർച്ച്, തീപ്പന്തമെറിഞ്ഞതിനടക്കം 28 പേർക്കെതിരെ കേസ്

തിരുവനന്തപുരം: ഷാഫി പറമ്പിൽ എം.പിയെ ഡി.വൈ.എഫ്.ഐ പ്രവർത്തകർ റോഡിൽ തടഞ്ഞതിൽ പ്രതിഷേധിച്ച് ബുധനാഴ്ച രാത്രി യൂത്ത് കോൺഗ്രസ് നടത്തിയ ക്ളിഫ് ഹൗസ് മാർച്ചിലെ സംഘർഷത്തിൽ 28 പേർക്കെതിരെ പൊലീസ് കേസ്. മൂന്ന് പേരെ റിമാൻഡ് ചെയ്തു. മാർച്ചിനിടെ പൊലീസുകാരെ തീപ്പന്തമെറിഞ്ഞ് കൊലപ്പെടുത്താൻ ശ്രമിച്ചത് തടഞ്ഞ മ്യൂസിയം എസ്.ഐ വിപിൻ ഗബ്രിയേലിന് പൊള്ളലേറ്റു. തലയ്ക്ക് നേരെ വന്ന തീപ്പന്തം തടഞ്ഞില്ലായിരുന്നെങ്കിൽ തീ കത്തി മരണം വരെ സംഭവിക്കാമായിരുന്നുവെന്നും എഫ്‌.ഐ.ആറിലുണ്ട്. യൂത്ത് കോൺഗ്രസ് നേതാക്കളായ യൂസഫ്, ഡെലിയോ, സാമുവൽ എന്നിവരെയാണ് റിമാൻഡ് ചെയ്തത്. ഒന്നാം പ്രതി ശ്യാംലാലിനെ അറസ്റ്റ് ചെയ്തിട്ടില്ല. വധശ്രമം, കലാപത്തിന് പ്രേരിപ്പിക്കൽ എന്നിവ ഉൾപ്പെടെയുള്ള വകുപ്പുകൾ ചുമത്തിയാണ് കേസ്. മഹിളാ കോൺഗ്രസ് നേതാക്കളായ വീണ എസ്. നായർ, ലീന, ഡിസിസി ജനറൽ സെക്രട്ടറി ശ്രീകല, കോർപ്പറേഷൻ കൗൺസിലർ മേരി പുഷ്പം ഉൾപ്പെടെ പ്രതികളാണ്.

തീപ്പന്തവുമായി എത്തിയ അമ്പതോളം പ്രവർത്തകർ ബാരിക്കേഡ് വച്ച് തടയാൻ ശ്രമിച്ച പൊലീസിന് നേരെ തീപ്പന്തവും കല്ലുകളും വലിച്ചെറിഞ്ഞു. ജലപീരങ്കി പ്രയോഗിച്ചിട്ടും പിരിഞ്ഞുപോകാതെ വീണ്ടും ആക്രമിച്ചതോടെ പൊലീസ് അറസ്റ്റ് ചെയ്ത് നീക്കുകയായിരുന്നു. അക്രമങ്ങൾക്കിടെ സി.ഐ.ടി.യു, സി.പി.എം കൊടിമരങ്ങളും ബോർഡുകളും തകർത്തു പൊലീസിന്റെ വയർലെസ് സെറ്റും ലാത്തികളും നശിപ്പിച്ചു. 8000 രൂപയുടെ നാശനഷ്ടമുണ്ടായെന്നാണ് എഫ്.ഐ.ആറിൽ.

ബാഹുബലിയുടെ

പടച്ചട്ടയല്ല

യൂത്ത് കോൺഗ്രസ് മാർച്ചിനിടെയുണ്ടായ സംഘർഷത്തിനിടെ യൂത്ത് കോൺഗ്രസ് ജില്ലാ പ്രസിഡന്റ് നേമം ഷജീർ കന്റോൺമെന്റ് എസ്.എച്ച്.ഒ പ്രജീഷ് ശശിയുമായി തർക്കിക്കുന്ന വീഡിയോയും വൈറലായി. എന്തിനാണ് ലാത്തി വീശിയതെന്ന് ഷജീർ ചോദിച്ചപ്പോൾ, തങ്ങൾ ബാഹുബലിയുടെ പടച്ചട്ടയല്ല കേരള പൊലീസിന്റെ സാധാരണ പടച്ചട്ടയാണ് ധരിച്ചിരിക്കുന്നതെന്ന് എസ്.എച്ച്.ഒ പ്രജീഷ് പറഞ്ഞു. പൊലീസുകാരും മനുഷ്യരാണ്,കല്ലും,തീപ്പന്തവുമെറിഞ്ഞാൽ അതിനെതിരെ പ്രതികരിക്കുമെന്നും എസ്.എച്ച്.ഒ പറഞ്ഞു.

വ​ട​ക​ര​യി​ൽ​ ​ഷാ​ഫി​യെ ത​ട​ഞ്ഞ​ 11​ ​ഡി.​വൈ.​എ​ഫ്.ഐ പ്ര​വ​ർ​ത്ത​ക​ർ​ ​അ​റ​സ്റ്റിൽ

കോ​ഴി​ക്കോ​ട്:​ ​വ​ട​ക​ര​യി​ൽ​ ​ഷാ​ഫി​ ​പ​റ​മ്പി​ൽ​ ​എം.​പി​യെ​ ​ത​ട​ഞ്ഞ​ ​കേ​സി​ൽ​ 11​ ​ഡി.​വൈ.​എ​ഫ്‌.​ഐ​ ​പ്ര​വ​ർ​ത്ത​ക​ർ​ ​അ​റ​സ്റ്റി​ൽ.​ ​ബ്ലോ​ക്ക് ​ഭാ​ര​വാ​ഹി​ക​ൾ​ ​അ​ട​ക്ക​മു​ള്ള​വ​രെ​യാ​ണ് ​അ​റ​സ്റ്റ് ​ചെ​യ്ത​ത്.​ ​ഇ​വ​രെ​ ​സ്റ്റേ​ഷ​ൻ​ ​ജാ​മ്യ​ത്തി​ൽ​ ​വി​ട്ടു.​ ​പ്ര​തി​ഷേ​ധ​ ​സൂ​ച​ക​മാ​യി​ ​യു.​ഡി.​വൈ.​എ​ഫ് ​ന​ട​ത്തി​യ​ ​റോ​ഡ് ​ഉ​പ​രോ​ധ​ത്തി​ൽ​ ​ഗ​താ​ഗ​തം​ ​ത​ട​സ​പ്പെ​ടു​ത്തി​യ​തി​നും​ ​പൊ​ലീ​സ് ​കേ​സെ​ടു​ത്തി​ട്ടു​ണ്ട്. ബു​ധ​നാ​ഴ്ച​ ​ഉ​ച്ച​യ്ക്കു​ ​ശേ​ഷ​മാ​ണ് ​ഷാ​ഫി​ ​പ​റ​മ്പി​ൽ​ ​എം.​പി​യെ​ ​വ​ട​ക​ര​യി​ൽ​ ​ഡി.​വൈ.​എ​ഫ്.​ഐ​ ​പ്ര​വ​ർ​ത്ത​ക​ർ​ ​ത​ട​ഞ്ഞ​ത്.​ ​ടൗ​ൺ​ഹാ​ളി​ന് ​സ​മീ​പം​ ​ഷാ​ഫി​യു​ടെ​ ​കാ​ർ​ ​ഡി.​വൈ.​എ​ഫ്.​ഐ​ ​പ്ര​വ​ർ​ത്ത​ക​ർ​ ​ത​ട​ഞ്ഞു​ ​വ​ച്ച് ​മു​ദ്രാ​വാ​ക്യം​ ​വി​ളി​ക്കു​ക​യാ​യി​രു​ന്നു.​ ​തു​ട​ർ​ന്ന് ​ഷാ​ഫി​ ​കാ​റി​ൽ​ ​നി​ന്ന് ​പു​റ​ത്തി​റ​ങ്ങി​ ​പ്ര​വ​ർ​ത്ത​ക​രു​മാ​യി​ ​വാ​ഗ്വാ​ദ​ത്തി​ൽ​ ​ഏ​ർ​പ്പെ​ട്ടു.​ ​കെ.​കെ.​ര​മ​ ​എം.​എ​ൽ.​എ​ ​മു​ൻ​കൈ​യെ​ടു​ത്ത് ​വ​ട​ക​ര​ ​ടൗ​ൺ​ഹാ​ളി​ൽ​ ​സം​ഘ​ടി​പ്പി​ച്ച​ ​ഭി​ന്ന​ശേ​ഷി​ക്കാ​ർ​ക്കു​ള്ള​ ​ഓ​ണം​ ​പ​രി​പാ​ടി​ ​ഉ​ദ്ഘാ​ട​നം​ ​ചെ​യ്ത് ​തി​രി​ച്ചു​ ​പോ​കു​മ്പോ​ഴാ​ണ് ​രാ​ഹു​ൽ​ ​മാ​ങ്കൂ​ട്ട​ത്തി​നെ​തി​രെ​യു​ള്ള​ ​വി​ഷ​യ​ത്തി​ൽ​ ​ഡി.​വൈ.​എ​ഫ്.​ഐ​ ​പ്ര​വ​ർ​ത്ത​ക​ർ​ ​ഷാ​ഫി​ ​പ​റ​മ്പി​ലി​ന്റെ​ ​കാ​റി​നു​ ​മു​ന്നി​ലേ​ക്ക് ​ചാ​ടി​ ​വീ​ണ​ത്.