പൊലീസ്  ക്യാമ്പിൽ എസ്ഐ  തൂങ്ങി മരിച്ചനിലയിൽ; സംഭവം പത്തനംതിട്ടയിൽ

പത്തനംതിട്ട: പൊലീസ് ക്യാമ്പിൽ എസ്ഐയെ തൂങ്ങി മരിച്ചനിലയിൽ കണ്ടെത്തി. അടൂർ വടക്കടത്തുകാവ് പൊലീസ് ക്യാമ്പിലാണ് സംഭവം. കുഞ്ഞുമോൻ (51) ആണ് മരിച്ചത്. കുടുംബസമേതം ക്യാമ്പ് ക്വാട്ടേഴ്സിൽ ആയിരുന്നു താമസം. ക്യാമ്പിലെ പരിശീലനത്തിന്റെയും മറ്റും ചുമതലയുള്ള ഉദ്യോഗസ്ഥനാണ് കുഞ്ഞുമോൻ. മൃതദേഹത്തിന് സമീപത്ത് നിന്ന് ആത്മഹത്യാക്കുറിപ്പ് കണ്ടെത്തിയിട്ടുണ്ട്. സാമ്പത്തിക ബാദ്ധ്യതയാണ് ആത്മഹത്യയ്ക്ക് കാരണമെന്നാണ് പൊലീസിന്റെ നിഗമനം.