ബസ് യാത്രയ്ക്കിടെ കുഴഞ്ഞുവീണു, ആശുപത്രിയിലെത്തിക്കും മുൻപ് 56കാരി മരിച്ചു

തൃശൂർ: ബസിൽ കുഴഞ്ഞുവീണ യാത്രക്കാരി മരിച്ചു. അന്തിക്കാട് കുറ്റിമാവ് സ്വദേശി വന്നേരി വീട്ടിൽ ഗോപാലന്റെ മകൾ ലീനയാണ് (56) മരിച്ചത്. ഇന്ന് രാവിലെയായിരുന്നു സംഭവം. കുറ്റിമാവിൽ നിന്ന് സ്വകാര്യ ബസിൽ കയറിയ ലീന അന്തിക്കാട് ആൽ സെന്ററിൽ വച്ച് അസ്വസ്ഥത പ്രകടിപ്പിച്ചിരുന്നു. കണ്ടക്ടറും ബസിലുണ്ടായിരുന്ന മറ്റു യാത്രക്കാരും ചേർന്ന് ലീനയ്ക്ക് വെള്ളം നൽകി. ഇതേ ബസിൽ തന്നെ ഇവരെ കാഞ്ഞാണിയിലെ ആശുപത്രിയിലും തുടർന്ന് തൃശൂരിലെ സ്വകാര്യ ആശുപത്രിയിലും എത്തിച്ചെങ്കിലും മരണം സംഭവിച്ചിരുന്നു.