സാംസ്കാരിക സായാഹ്നം സമാപിച്ചു

കൊയിലാണ്ടി: നഗരസഭയുടെ ഓണാഘോഷങ്ങളുടെ ഭാഗമായി സംഘടിപ്പിച്ച സാംസ്കാരിക സായാഹ്ന പരിപാടികൾ സമാപിച്ചു. കഴിഞ്ഞ ഒമ്പത് ദിവസങ്ങളിലായി ടൗൺ ഹാളിലും പരിസര പ്രദേശങ്ങളിലുമായി നടന്നു വന്ന കലാ- സാംസ്കാരിക പരിപാടികളുടെ സമാപനം ചന്ദ്രശേഖരൻ തിക്കോടി ഉദ്ഘാടനം ചെയ്തു. നന്മയുടെ സംസ്ഥാന പ്രസിഡന്റ് വിത്സൻ സാമുവേൽ മുഖ്യാതിഥിയായി. നഗരസഭ അദ്ധ്യക്ഷ സുധ കിഴക്കേപ്പാട്ട് പരിപാടിയിൽ അദ്ധ്യക്ഷത വഹിച്ചു. കുടുംബശ്രീ രജത ജൂബിലി പതിപ്പിൻ്റെ പ്രകാശനം ജില്ലാ കോർഡിനേറ്റർ പി.സി കവിത പ്രകാശനം ചെയ്തു. കെ.സത്യൻ, കെ.ഷിജു, ഇ.കെ. അജിത്, എം.പി. ഇന്ദുലേഖ, കെ.കെ വിബിന, ടി.കെ ചന്ദ്രൻ, എസ്. സുനിൽ മോഹൻ,ശശി കോട്ടിൽ എന്നിവർ പ്രസംഗിച്ചു.