ഹജ്ജ് സാങ്കേതിക പരിശീലന ക്ലാസ്

കുന്ദമംഗലം: സംസ്ഥാന ഹജ്ജ് കമ്മിറ്റിക്ക് കീഴിൽ 2026 വർഷത്തെ ഹജ്ജ് കർമ്മത്തിന് പുറപ്പെടുന്ന കുന്ദമംഗലം എലത്തൂർ നിയോജക മണ്ഡലങ്ങളിൽ നിന്നുള്ള ഹാജിമാർക്ക് ഒന്നാംഘട്ട സാങ്കേതിക പഠനക്ലാസ് സംഘടിപ്പിച്ചു. പന്തീർപ്പാടം നോർത്ത് വ്യൂ ഓഡിറ്റോറിയത്തിൽ നടന്ന ക്ലാസ് അഡ്വ:പി ടി എ റഹീം എം.എൽ.എ ഉദ്ഘാടനം ചെയ്തു. ജില്ലാ ഹജ്ജ് ട്രെയിനിംഗ് ഓർഗനൈസർ നൗഫൽ മങ്ങാട് അദ്ധ്യക്ഷത വഹിച്ചു. അരിയിൽ അലവി, ഖാലിദ് കിളിമുണ്ട, പി.കെ.അസൈൻ,​ ഇബ്രാഹിം,​ ടി.വി അബ്ദുറഹിമാൻ എന്നിവർ പ്രസംഗിച്ചു. ക്ലാസുകൾക്ക് പി.കെ ബാപ്പു ഹാജി, യു.മുഹമ്മദ് റഊഫ് എന്നിവർ നേതൃത്വം നൽകി