കരാറിന് അനുമതിയില്ല, നീങ്ങുന്നത് വൈദ്യുതി പ്രതിസന്ധിയിലേക്ക്

തിരുവനന്തപുരം: സംസ്ഥാനത്ത് ഹ്രസ്വകാല വൈദ്യുതി കരാറിന് കെ.എസ്.ഇ.ബിക്ക് റെഗുലേറ്ററി കമ്മിഷൻ ഇനിയും അനുമതി നൽകാത്തത് വൈദ്യുതി പ്രതിസന്ധിക്ക് ഇടയാക്കുമെന്ന് ആശങ്ക. ഇൗമാസം 400 മെഗാവാട്ട് വൈദ്യുതി 9.20നിരക്കിലും ഒക്ടോബറിൽ 300 മെഗാവാട്ട് 7.97 രൂപയ്ക്കും നവംബറിലും ഡിസംബറിലും 200 മെഗാവാട്ട് വീതം 7.47രൂപയ്ക്കും വാങ്ങാൻ കരാറുണ്ടാക്കാനാണ് കെ.എസ്.ഇ.ബി അനുമതി തേടിയത്.

എന്നാൽ, വ്യവസ്ഥകൾ പാലിക്കാതെയാണ് അപേക്ഷ നൽകിയതെന്ന് ചൂണ്ടിക്കാട്ടി റെഗുലേറ്ററി കമ്മിഷൻ അനുമതി നിഷേധിക്കുകയായിരുന്നു. ഹ്രസ്വകാല വൈദ്യുതി കരാറിന് അനുമതി നൽകിയില്ലെങ്കിൽ വേനൽക്കാലത്ത് വൈദ്യുതി പ്രതിസന്ധിയും ലോഡ് ഷെഡ്ഡിംഗും വേണ്ടിവരുമെന്നാണ് കെ.എസ്.ഇ.ബിയുടെ മുന്നറിയിപ്പ്.