ഓണത്തിനൊരുക്കിയ ചേമ്പ് കൃഷി പന്നി കൊണ്ടുപോയി

വടക്കഞ്ചേരി: കിഴക്കഞ്ചേരി കണിയമംഗലം പുത്തൻകുളമ്പിൽ ചേമ്പ് കൃഷി നശിപ്പിച്ച് പന്നിക്കൂട്ടം. ഓണവിപണി ലക്ഷ്യമിട്ടു കൃഷിചെയ്ത ചേമ്പ് പന്നിക്കൂട്ടം കുത്തിമറിച്ച് നശിപ്പിച്ചു. കണിയമംഗലം പുത്തൻകുളമ്പ് സാരംഗിയിൽ ബാബുരാജിന്റെ കൃഷിയാണ് നശിപ്പിച്ചത്. വീടിനോടു ചേർന്ന് 20 സെന്റ് സ്ഥലത്താണ് ചേമ്പ് കൃഷി ചെയ്തിരുന്നത്. ഇന്നലെ വിളവെടുപ്പുനടത്തി മാർക്കറ്റിൽ വിൽക്കാൻ നിറുത്തിയതായിരുന്നെന്ന് ബാബുരാജ് പറഞ്ഞു. ഒന്നുപോലും ശേഷിക്കാതെ എല്ലാം കുത്തിയിളക്കി തിന്നിരിക്കുകയാണ്. മാർക്കറ്റിൽ ഉയർന്ന വിലയാണ് ചേമ്പിനിപ്പോൾ. കിലോക്ക് 80 രൂപ വരെയുണ്ട്. മൊത്തമായി വില്പന നടത്തിയാൽ കിലോയ്ക്ക് 60 രൂപയെങ്കിലും കിട്ടുമായിരുന്ന കൃഷി വിളവെടുപ്പിനു തൊട്ടുമുമ്പ് എല്ലാം നഷ്ടമായതിന്റെ വിഷമത്തിലാണ് ഈ കർഷകൻ. പന്നി കയറാതിരിക്കാൻ കൃഷിയിടത്തിനു ചുറ്റും ചാക്കുകളും കളർ തുണികളുമായി സംരക്ഷണവലയം ഒരുക്കിയിരുന്നു. എന്നാൽ അതെല്ലാം നശിപ്പിച്ച് പന്നിക്കൂട്ടം അകത്തുകടക്കുകയായിരുന്നു. സമീപത്തുള്ള പുഴയോരത്തെ പൊന്തക്കാടുകളിൽ നിന്നാണ് പ്രദേശത്തേക്ക് പന്നികളെത്തുന്നത്. കൃഷിനാശത്തിനൊപ്പം പന്നിയെ പേടിച്ച് പകൽപോലും കൃഷിയിടങ്ങളിൽ പണിയെടുക്കാനാകാത്ത സ്ഥിതിയിലാണ് മേഖലയിലെ കർഷകർ.

ചിറ്റൂർ മേഖലയിൽ കൊ​യ്യാ​റാ​യ​ ​പാ​ട​ങ്ങ​ളും​ ​ന​ശി​പ്പി​ച്ചു. പ​ല​ ​സ്ഥ​ല​ങ്ങ​ളി​ലും​ ​കൊ​യ്യാ​റാ​യ​ ​ഏ​ക്ക​ർ​ ​ക​ണ​ക്കി​ന് ​നെ​ൽ​കൃ​ഷി​യാ​ണ് ​പ​ന്നി​ ​കൂ​ട്ട​ങ്ങ​ൾ​ ​ച​വി​ട്ടി​മെ​തി​ച്ച് ​ന​ശി​പ്പി​ക്കു​ന്ന​ത്.​ ​ന​ല്ലേ​പ്പി​ള്ളി,​ ​പൊ​ൽ​പ്പു​ള്ളി,​ ​പ​ട്ട​ഞ്ചേ​രി,​ ​ത​ത്ത​മം​ഗ​ലം​ ​മേ​ഖ​ല​ക​ളി​ലാ​ണ് ​കാ​ട്ടു​പ​ന്നി​കൂ​ട്ടം​ ​വെ​ല്ലു​വി​ളി​ ​ഉ​യ​ർ​ത്തു​ന്ന​ത്.​ ​പ​ല​ ​പ്ര​തി​സ​ന്ധി​ക​ളേ​യും​ ​അ​തി​ജീ​വി​ച്ച് ​കൊ​യ്‌​തെ​ടു​ത്ത​ ​നെ​ല്ല് ​സം​ഭ​രി​ച്ച​തി​ന്റെ​ ​വി​ല​ ​ല​ഭി​ക്കാ​ൻ​ ​വൈ​കി​യെ​ങ്കി​ലും​ ​ഭൂ​മി​ ​ത​രി​ശി​ടാ​ൻ​ ​മ​ന​സ് ​വ​രാ​ത്ത​തി​നാ​ൽ​ ​ക​ടം​ ​വാ​ങ്ങി​യും​ ​മ​റ്റു​മാ​ണ് ​പ​ല​രും​ ​കൃ​ഷി​യി​റ​ക്കി​യി​ട്ടു​ള്ള​ത്.​ ​വി​ള​വെ​ടു​പ്പ് ​സ​മ​യ​ത്താ​ണ് ​ക​ർ​ഷ​ക​ന്റെ​ ​പ്ര​തീ​ക്ഷ​ക​ളെ​ ​ച​വി​ട്ടി​മെ​തി​ച്ചു​കൊ​ണ്ടു​ള്ള​ ​കാ​ട്ടു​പ​ന്നി​ ​കൂ​ട്ട​ങ്ങ​ളു​ടെ​ ​ആ​ക്ര​മ​ണം.​ ​കാ​ട്ടു​പ​ന്നി​ ​ശ​ല്യം​ ​പ​രി​ഹ​രി​ക്കാ​ൻ​ ​ഫ​ല​ ​പ്ര​ദ​മാ​യ​ ​ന​ട​പ​ടി​ക​ൾ​ ​വൈ​കാ​തെ​ ​ന​ട​പ്പി​ലാ​ക്ക​ണ​മെ​ന്ന​താ​ണ് ​ക​ർ​ഷ​ക​രു​ടെ​ ​ആ​വ​ശ്യം.

.