കേരള മാതൃക പഠിക്കുന്നതിന് തെലുങ്കാന സർവെ സംഘം

തിരുവനന്തപുരം:കേരളത്തിൽ നടപ്പാക്കിവരുന്ന രാജ്യത്തെ ആദ്യ സമഗ്ര ഡിജിറ്റൽ ഭൂവിവര സംവിധാനമായ എന്റെ ഭൂമി സംയോജിത പോർട്ടലിനെ കുറിച്ച് പഠിക്കാൻ തെലുങ്കാന നാഷണൽ സർവെ റവന്യു ഉദ്യോഗസ്ഥരും ഇൻഫോർമാറ്റിക്സസ് സെന്റർ ഉദ്യോഗസ്ഥരും ഉൾപ്പെടുന്ന സംഘംതിങ്കളാഴ്ച എത്തും.രണ്ടു ദിവസത്തെ സന്ദർശനത്തിനായാണ് സംഘം എത്തുന്നത്.റവന്യു,സർവെ,രജിസ്‌ട്രേഷൻ വകുപ്പുകൾ സംയോജിപ്പിച്ചാണ് എന്റെ ഭൂമി ഡിജിറ്റൽ സർവെ നടപ്പാക്കിയത്.അതേ മാതൃകയിൽ തെലുങ്കാനയിലും നടപ്പാക്കാനുള്ള സാധ്യത പഠിക്കുകയാണ് ലക്ഷ്യം.റവന്യുഭവന നിർമ്മാണ വകുപ്പ് മന്ത്രിയുമായും ഉന്നത ഉദ്യോഗസ്ഥരുമായും സംഘം ചർച്ച നടത്തും.സർവെ ട്രയിനിംഗ് ഇൻസ്റ്റിറ്റിയൂട്ടിൽ നടക്കുന്ന ട്രയിനിംഗിലും പങ്കെടുക്കും.