ജീവനൊടുക്കാൻ ശ്രമിച്ച് എൻ.എം.വിജയന്റെ മരുമകൾ

സുൽത്താൻ ബത്തേരി: കോൺഗ്രസ് നേതാക്കളുടെ നിയമനക്കോഴയ്ക്ക് ബലിയാടായ വയനാട് ഡി.സി.സി മുൻ ട്രഷറർ എൻ.എം. വിജയന്റെ മരുമകൾ പത്മജ ആത്മഹത്യയ്ക്ക് ശ്രമിച്ചു. ഇന്നലെ ഉച്ചയോടെ മണിച്ചിറയിലെ വീട്ടിൽ വച്ചാണ് കൈഞരമ്പ് മുറിക്കാൻ ശ്രമിച്ചത്. സുൽത്താൻ ബത്തേരി സ്വകാര്യ ആശുപത്രിയിൽ പ്രവേശിപ്പിച്ച പത്മജയുടെ മുറിവ് ഗുരുതരമല്ല. വിജയന്റെ മകൻ വിജേഷിന്റെ ഭാര്യയാണ് പത്മജ.

പാർട്ടിമൂലമുണ്ടായ സാമ്പത്തിക പ്രശ്നങ്ങൾ ഒരുപാടു നാളായി സഹിക്കുന്നതായും ഇനി പിടിച്ചുനിൽക്കാനാവില്ലെന്നും പത്മജ ആശുപത്രിയിൽ മാദ്ധ്യമങ്ങളോട് പറഞ്ഞു. തങ്ങളെ ഇതുവരെ ആരും ഫോണിൽ ബന്ധപ്പെടുകപോലും ചെയ്തില്ല.

ഇന്നലെ ഉച്ചയോടെ ബത്തേരിയിൽ ജോലിനോക്കുന്ന സ്ഥാപനത്തിൽ നിന്ന് വീട്ടിലെത്തിയ ശേഷമായിരുന്നു ആത്മഹത്യാശ്രമം. കിടപ്പുമുറിയിൽ കയറി കൈഞരമ്പ് മുറിക്കുന്നത് മകൻ കണ്ടതോടെ സ്ഥാപനത്തിലെ ജീവനക്കാരിയെ ഫോണിൽ ബന്ധപ്പെടുകയും ആശുപത്രിയിൽ എത്തിക്കുകയുമായിരുന്നു. പത്മജയുടെ ആത്മഹത്യാകുറിപ്പ് മകൻ പൊലീസിന് കൈമാറി. സാമ്പത്തിക ബാദ്ധ്യത കാരണമാണ് ആത്മഹത്യയ്ക്ക് തുനിഞ്ഞതെന്നാണ് പൊലീസിന് നൽകിയ മൊഴി. വിജയനുണ്ടായ സാമ്പത്തിക ബാദ്ധ്യതയുമായി ബന്ധപ്പെട്ട് കുടുംബവുമായി നേതാക്കൾ ധാരണാപത്രം തയ്യാറാക്കിയിരുന്നു. എന്നാൽ ഒന്നും പാലിച്ചില്ലെന്ന് കഴിഞ്ഞദിവസം പത്മജ മാദ്ധ്യമങ്ങളോട് പറഞ്ഞിരുന്നു. കള്ളൻമാർ വെളളയുമിട്ട് നടക്കുകയാണെന്നും സത്യസന്ധമായി പ്രവർത്തിക്കുന്നവരെ കൊന്നൊടുക്കകയാണെന്നും ആരോപിച്ചിരുന്നു.

ഇതാ ഒരു ഇരകൂടി...

കൊലയാളി കോൺഗ്രസേ, നിനക്കിതാ ഒരു ഇരകൂടി എന്നെഴുതി അടിയിൽ ഇംഗ്ലീഷിൽ പത്മജ എന്നു രേഖപെടുത്തിയതാണ് അത്മഹത്യാക്കുറിപ്പ്. പുൽപ്പള്ളിയിൽ കോൺഗ്രസ് നേതാവ് ജോസ് നെല്ലേടത്തിന്റെ ആത്മഹത്യയ്ക്ക് പിന്നാലെ എൻ.എം. വിജയന്റെ മരുമകളും ആത്മഹത്യയ്ക്ക് ശ്രമിച്ചത് പാർട്ടിയിൽ വലിയ ഒച്ചപ്പാടുകൾക്ക് കാരണമാകും.

നല്ലപോലെ ജീവിച്ചിരുന്ന ഞങ്ങളുടെ കുടുംബമാണ് നശിച്ചുകൊണ്ടിരിക്കുന്നത്. എനിക്ക് അനിയനും അനിയത്തിയുമാണുള്ളത്. ഞങ്ങളിനി എന്തുചെയ്യണമെന്ന് കോൺഗ്രസ് നേതൃത്വം പറയട്ടെ

- പത്മജയുടെ മകൻ വിജയ്

​പ്ര​തി​ഷേ​ധി​ച്ച് ഡി.​വൈ.​എ​ഫ്.​ഐ​ ​മാ​ർ​ച്ച്

ക​ൽ​പ്പ​റ്റ​:​മു​ൻ​ ​ഡി.​സി.​സി​ ​ട്ര​ഷ​റ​ർ​ ​എ​ൻ.​എം​ ​വി​ജ​യ​ന്റെ​ ​മ​രു​മ​ക​ൾ​ ​പ​ത്മ​ജ​യു​ടെ​ ​ആ​ത്മ​ഹ​ത്യാ​ശ്ര​മ​ത്തി​ൽ​ ​രാ​ജി​യാ​വ​ശ്യ​പ്പെ​ട്ട് ​ടി.​സി​ദ്ധി​ഖ് ​എം​എ​ൽ​എ​യു​ടെ​ ​ഓ​ഫീ​സി​ലേ​ക്ക് ​ഡി.​വൈ.​എ​ഫ്.​ഐ​ ​മാ​ർ​ച്ച് ​ന​ട​ത്തി.​ഓ​ഫീ​സി​ലേ​ക്ക് ​ത​ള്ളി​ ​ക​യ​റാ​ൻ​ ​ശ്ര​മി​ച്ച​തോ​ടെ​ ​പൊ​ലീ​സും​ ​പ്ര​വ​ർ​ത്ത​ക​രും​ ​ത​മ്മി​ൽ​ ​ഉ​ന്തും​ ​ത​ള്ളു​മു​ണ്ടാ​യി.​പൊ​ലീ​സ് ​കേ​ന്ദ്രീ​ക​രി​ച്ച​തോ​ടെ​ ​സ​മീ​പ​ത്തെ​ ​ചി​ല​ ​വ്യാ​പാ​രി​ക​ൾ​ ​ക​ട​ക​ള​ട​ച്ചു.​പി​ന്നാ​ലെ​ ​ഡി.​വൈ.​എ​ഫ്‌.​ഐ​ ​ജി​ല്ലാ​ ​വൈ​സ് ​പ്ര​സി​ഡ​ന്റ് ​ഷം​സു​ദ്ദീ​ന്റെ​ ​നേ​തൃ​ത്വ​ത്തി​ൽ​ ​പ്ര​വ​ർ​ത്ത​ക​ർ​ ​ഇ​ര​ച്ചെ​ത്തി.​ഏ​റെ​നേ​രം​ ​പൊ​ലീ​സു​മാ​യി​ ​പി​ടി​വ​ലി​ ​ന​ട​ന്നു.​ഡി.​വൈ.​എ​ഫ്‌.​ഐ​ ​ജി​ല്ലാ​ ​വൈ​സ് ​പ്ര​സി​ഡ​ന്റ് ​ഷം​സു​ദ്ദീ​ൻ​ ​ഉ​ദ്ഘാ​ട​നം​ ​ചെ​യ്തു.​പ്ര​വ​ർ​ത്ത​ക​രെ​യും​ ​നേ​താ​ക്ക​ളെ​യും​ ​ആ​ത്മ​ഹ​ത്യ​യി​ലേ​ക്ക് ​ത​ള്ളി​വി​ടു​ന്ന​ ​മാ​ന​സി​കാ​വ​സ്ഥ​യാ​ണ് ​കോ​ൺ​ഗ്ര​സ് ​നേ​താ​ക്ക​ൾ​ക്കെ​ന്ന് ​ഷം​സു​ദ്ദീ​ൻ​ ​കു​റ്റ​പ്പെ​ടു​ത്തി.​ടി​ ​സി​ദ്ദി​ഖ് ​എം.​എ​ൽ.​എ​ ​ന​ൽ​കി​യ​ ​വാ​ഗ്ദാ​നം​ ​പാ​ലി​ക്ക​പ്പെ​ടാ​തെ​യാ​യ​തോ​ടെ​യാ​ണ് ​പ​ത്മ​ജ​ ​ആ​ത്മ​ഹ​ത്യാ​ശ്ര​മം​ ​ന​ട​ത്തി​യ​തെ​ന്നും​ ​അ​ദ്ദേ​ഹം​ ​കു​റ്റ​പ്പെ​ടു​ത്തി.