കേന്ദ്രമന്ത്രി സുരേഷ് ഗോപി നിവേദനം വാങ്ങിയില്ല: കൊച്ചുവേലായുധന് പ്രതിഷേധം

ചാഴൂർ: കേന്ദ്രമന്ത്രി സുരേഷ് ഗോപി നിവേദനം വാങ്ങാത്തതിൽ വേദനയുണ്ടെന്ന് പുള്ള് തയ്യാട്ട് കൊച്ചു വേലായുധൻ. വീടുവയ്ക്കാൻ സഹായം അഭ്യർത്ഥിച്ചപ്പോഴുണ്ടായ കേന്ദ്രമന്ത്രിയുടെ പ്രതികരണത്തെ കുറിച്ചാണ് വേലായുധൻ പറയുന്നത്. പ്രാദേശിക വികസനവിഷയങ്ങൾ അവതരിപ്പിക്കാൻ ജനങ്ങൾക്കായി പുള്ളിൽ വേദിയൊരുക്കിയ കലുങ്ക് സൗഹൃദ വികസന യോഗത്തിലാണ് സംഭവം.

ഞാനും മറ്റൊരാളും കൂടിയാണ് അപേക്ഷ നൽകാൻ പോയത് - വേലായുധൻ പറയുന്നു.

കൂടെയുണ്ടായിരുന്നയാൾക്കും അപേക്ഷ കൊടുക്കാനുണ്ടായിരുന്നു. എന്നെ മടക്കിയപ്പോൾ അയാളും അപേക്ഷ കൊടുത്തില്ല. എനിക്ക് മൈക്ക് വാങ്ങി പറയണമെന്നുണ്ടായിരുന്നു. പറയാനൊക്കെ എനിക്കുമറിയാം. വീട് വേണം, കിടക്കാൻ സ്ഥലമില്ല. ഓപ്പറേഷൻ കഴിഞ്ഞിട്ട് രണ്ട് കൊല്ലമായി. അത് മാത്രമായിരുന്നു നിവേദനത്തിലുണ്ടായിരുന്നത്'. കൊച്ചു വേലായുധൻ പറഞ്ഞു. ഇതൊന്നും എം.പിയുടെ ജോലിയേ അല്ല എന്നാണ് സുരേഷ് ഗോപി പറഞ്ഞത്. പോയി പഞ്ചായത്തിൽ പറയൂ' എന്നായിരുന്നു പ്രതികരണം. ഇതിന്റെ വീഡിയോ സോഷ്യൽ മീഡിയയയിൽ വൈറലായിരുന്നു. രണ്ടുവർഷം മുമ്പ് തെങ്ങ് വീണാണ് വേലായുധന്റെ വീട് തകർന്നത്. വീട് നിർമിക്കാനുള്ള സഹായത്തിനായാണ് വേലായുധൻ കേന്ദ്രമന്ത്രിയെ സമീപിച്ചത്. സുമനസുകൾ സഹായിക്കുമെന്ന് കരുതുന്നതായും കൊച്ചുവേലായുധൻ പറഞ്ഞു.

 കൊ​ച്ചു​വേ​ലാ​യു​ധ​ന്റെ വീ​ട് ​സി.​പി.​എം​ ​നി​ർ​മ്മി​ക്കും

കേ​ന്ദ്ര​മ​ന്ത്രി​ ​സു​രേ​ഷ് ​ഗോ​പി​ക്ക് ​ന​ൽ​കി​യ​ ​നി​വേ​ദ​ന​മ​ട​ങ്ങി​യ​ ​ക​വ​ർ​ ​തു​റ​ന്നു​ ​നോ​ക്കി​യി​ല്ലെ​ന്ന് ​പ​രാ​തി​പ്പെ​ട്ട​ ​കൊ​ച്ചു​വേ​ലാ​യു​ധ​ന്റെ​ ​വീ​ട് ​സി.​പി.​എം​ ​നി​ർ​മ്മി​ച്ചു​ ​ന​ൽ​കും.​ ​പു​ള്ളി​ലെ​ ​അ​ദ്ദേ​ഹ​ത്തി​ന്റെ​ ​വീ​ട്ടി​ലെ​ത്തി​ ​ഉ​റ​പ്പു​ ​ന​ൽ​കി​യ​താ​യി​ ​സി.​പി.​എം​ ​ജി​ല്ലാ​ ​സെ​ക്ര​ട്ട​റി​ ​കെ.​വി.​അ​ബ്ദു​ൾ​ ​ഖാ​ദ​ർ​ ​അ​റി​യി​ച്ചു.​ ​ക​ഴി​ഞ്ഞ​ദി​വ​സ​മാ​ണ് ​പു​ള്ളി​ൽ​ ​ക​ലു​ങ്ക് ​വി​ക​സ​ന​ ​സം​വാ​ദം​ ​ബി.​ജെ.​പി​ ​സം​ഘ​ടി​പ്പി​ച്ച​ത്.​ ​ഇ​തി​ലാ​ണ് ​പ്ര​ദേ​ശ​ത്തെ​ ​താ​മ​സ​ക്കാ​ര​നാ​യ​ ​താ​യാ​ട്ട് ​കൊ​ച്ചു​വേ​ലാ​യു​ധ​ൻ​ ​നി​വേ​ദ​ന​വു​മാ​യെ​ത്തി​യ​ത്.​ ​വീ​ടി​ന്റെ​ ​നി​ർ​മ്മാ​ണ​ ​പ്ര​വ​ർ​ത്ത​നം​ ​അ​ടു​ത്ത​ദി​വ​സം​ ​ആ​രം​ഭി​ക്കും.