രമണിക്കുട്ടി പഠി​ക്കുകയാണ്, എൺ​പതാം വയസി​ലും!

കൊല്ലം: പണ്ട് പാതി​ വഴി​യി​ൽ മുറി​ഞ്ഞുപോയ പഠനം പൂർത്തി​യാക്കാനുള്ള പരി​ശ്രമത്തി​ലാണ് എൺ​പതു വയസുകാരി​ രമണി​ക്കുട്ടി​.

കൊല്ലം ശ്രീനാരായണഗുരു ഓപ്പൺ സർവ്വകലാശാലയിലെ മൂന്നാം സെമസ്റ്റർ മലയാളം ബിരുദാനന്തര ബി​രുദ വിദ്യാർത്ഥിനി​യാണ് ചാത്തന്നൂർ തി​രുമുക്ക് എം.ഇ.എസ് കോളേജ് റോഡ് സ്വപ്നയി​ലെ ഈ റി​ട്ട. സർക്കാർ ഉദ്യോഗസ്ഥ. രണ്ടാം സെമസ്റ്ററിലെ മൂന്ന് പേപ്പറുകളുടെ പരീക്ഷ ബാക്കി​യുണ്ട്. കിട്ടുന്ന സമയമെല്ലാം പഠനത്തിനായി മാറ്റി വയ്ക്കും. 1963ൽ പ്രീ യൂണിവേഴ്സിറ്റി പഠനം പൂർത്തിയാക്കി ബിരുദ പഠനത്തിന് ചേരാനിരിക്കേ വി​വാഹം കഴി​ഞ്ഞു. 1967 ൽ വിദ്യാഭ്യാസ വകുപ്പിൽ ക്ലാർക്കായി. ഇതോടെ തുടർ പഠനത്തിന് അവസരം ലഭിച്ചു. 1968ൽ തി​രുവനന്തപുരം യൂണിവേഴ്സിറ്റി കോളേജിലെ ഈവനിംഗ് ബാച്ചിൽ ചേർന്ന് ബി.എ ഫിലോസഫി പൂർത്തിയാക്കി. 2000ത്തിൽ പൂ​ജ​പ്പു​ര എ​സ്.സി.​ഇ.ആ​ർ.​ടി​യി​ൽ നി​ന്ന് അ​ക്കൗ​ണ്ട്സ് ഓ​ഫീ​സ​റാ​യി റി​ട്ട​യ​ർ ചെ​യ്ത ശേ​ഷം എം.എ സോഷ്യോളജിക്ക് ചേർന്നെങ്കിലും പൂർത്തിയാക്കാനായി​ല്ല. കഴിഞ്ഞവർഷം ശ്രീനാരായണഗുരു ഓപ്പൺ സർവ്വകലാശാലയിൽ എം.എയ്ക്ക് ചേർന്നു.

എഴുത്തും വരയും

കൂടുതൽ സമയവും വീ​ടി​നോ​ട് ചേ​ർ​ന്നുള്ള എ​ഴു​ത്തു​പു​രയിൽ ചെലവഴിക്കുന്ന രമണിക്കുട്ടി എ​ണ്ണ​ച്ചാ​യത്തിലും അ​ക്രി​ലി​ക്കി​​ലു​മാ​യി നിരവധി ചിത്രങ്ങൾ വരച്ചിട്ടുണ്ട്. ര​വി​വ​ർ​മ ചി​ത്ര​ങ്ങളും ക്യാ​ൻ​വാ​സി​ലേക്ക് പ​ക​ർ​ത്തി. നോ​വൽ, ക​ഥ​, യാ​ത്രാ​വി​വ​ര​ണ​ങ്ങ​ൾ, ലേ​ഖ​ന​ങ്ങ​ൾ എന്നിവയും രമണിക്കുട്ടിയുടേതായുണ്ട്. എം.​ടി. വാ​സു​ദേ​വ​ൻ നാ​യ​രെ ക​ണ്ട് അ​നു​ഗ്ര​ഹം വാ​ങ്ങി​യ ശേ​ഷ​മാ​ണ് എ​ഴു​ത്തു തു​ട​ങ്ങി​യ​ത്. കി​ട​പ്പു രോ​ഗി​ക​ളെ വീ​ട്ടിൽ പോ​യി ക​ണ്ട് ആ​ശ്വാ​സം പ​ക​രുന്ന​ത് നി​ശ​ബ്ദ സേ​വ​ന​മാ​യി കാണുന്നു. പെ​ൻ​ഷ​ന്റെ ഒ​രു വി​ഹി​തം രോ​ഗി​ക​ൾ​ക്കാ​യി മാ​റ്റി​വയ്​ക്കാ​റു​മുണ്ട്. 'വൈ​ദേ​ഹി പ​റ​ഞ്ഞ​ത്' എ​ന്ന നോ​വ​ലാ​ണ് ഏ​റ്റ​വു​മൊ​ടു​വി​ൽ എ​ഴു​തി​യ​ത്.

എക്കാലത്തും വിദ്യാഭ്യാസം തരുന്ന ശക്തി വലുതാണ്. അറിവ് നേടാൻ പ്രായം തടസമാകരുത്

രമണിക്കുട്ടി