ശാന്തിക്കാരുടെ വേതനം പരിഷ്കരിക്കണം: യോഗക്ഷേമസഭ

കൊച്ചി​: കേരളത്തിലെ സ്വകാര്യ, ദേവസ്വം ബോർഡ് ക്ഷേത്രങ്ങളിലെ ശാന്തിക്കാരുടെ സേവന - വേതന വ്യവസ്ഥകൾ സമഗ്രമായി പരിഷകരിക്കണമെന്ന് യോഗക്ഷേമ സഭ സംസ്ഥാന കൗൺസിൽ യോഗം ആവശ്യപ്പെട്ടു. ലാസ്റ്റ് ഗ്രേഡ് ജീവനക്കാരുടെ ശമ്പള സ്കെയി​ലാണ് ഇപ്പോൾ ശാന്തി​ക്കാരുടേത്. ഈശ്വരസേവ ചെയ്യുന്നവർക്ക് പ്രത്യേക പരിഗണന നൽകണമെന്നും പെരുമ്പാവൂരി​ൽ ചേർന്ന സംസ്ഥാന സമ്മേളനത്തി​ന്റെ ഭാഗമായ യോഗം ആവശ്യമുന്നയി​ച്ചു.

കെ ടെറ്റ് പരീക്ഷയിൽ ഇപ്പോൾ ജാതി തിരിച്ചുള്ള മാർക്കു നൽകുന്ന വ്യവസ്ഥ അവസാനി​പ്പി​ക്കണം. അദ്ധ്യാപന രംഗത്ത് യോഗ്യതയിൽ ജാതി തിരിച്ചുള്ള മാർക്കിന്റെ മാനദണ്ഡം കൊണ്ടുവന്നത് ദൂരവ്യാപകമായ പ്രത്യാഘാതം ഉണ്ടാക്കും. വി​ദ്യാഭ്യാസ നിലവാരം തകർക്കുമെന്നും കൗൺസിൽ യോഗം വി​ലയി​രുത്തി​.

പി.എൻ.ഡി. നമ്പൂതിരി പ്രസിഡന്റ്, നീലമന ദാമോദരൻ നമ്പൂതിരി

ജനറൽ സെക്രട്ടറി

യോഗക്ഷേമ സഭയുടെ പുതിയ പ്രസിഡന്റായി അഡ്വ. പി.എൻ.ഡി. നമ്പൂതിരിയെയും ജനറൽ സെക്രട്ടറിയായി പി.എൻ. ദാമോദരൻ നമ്പൂതിരിയെയും തിരഞ്ഞെടുത്തു. ഹരികുമാർ നമ്പൂതിരി (വൈസ് പ്രസി​ഡന്റ്), കൊടുപ്പുന്ന കൃഷ്ണൻ പോറ്റി​ (സെക്രട്ടറി​), ടി​.കെ. ശ്രീകുമാർ (ട്രഷറർ) എന്നി​വരാണ് മറ്റ് ഭാരവാഹി​കൾ.

വനി​താ വി​ഭാഗം ഭാരവാഹി​കളായി​ മല്ലി​ക നമ്പൂതി​രി​ (പ്രസി​ഡന്റ്), വത്സല പണിക്കത്ത് (സെക്രട്ടറി​). യുവജന വി​ഭാഗം ഭാരവാഹി​കളായി​ മുഞ്ഞൂർളി​ അജയ് ശർമ്മ (പ്രസി​ഡന്റ്), കെ.പി​.അതുൽ (സെക്രട്ടറി​) എന്നി​വരെയും തി​രഞ്ഞെടുത്തു.