കള്ളുഷാപ്പി​ൽ ഡിജി. ബിൽ വരുന്നു

കൊച്ചി: കള്ള് വി​ൽക്കാൻ ഷാപ്പി​ൽ പി​.ഒ.എസ് മെഷീൻ ബിൽ വേണമെന്ന് എക്സൈസ് വകുപ്പ്. വ്യാജക്കള്ള് വില്പന ഇല്ലാതാക്കലാണ് ലക്ഷ്യം. ബിൽ ഇല്ലാതെ വിറ്റാൽ പിഴ ഈടാക്കും. കരടു നിർദേശം സർക്കാരിന് സമർപ്പിച്ചു.

പുതിയ വ്യവസ്ഥകൾ ഉൾപ്പെടുത്തി അബ്കാരി ചട്ടം ഭേദഗതി ചെയ്യാൻ നടപടി ആരംഭിച്ചു. ടോഡി​ ബോർഡിനോട് അഭി​പ്രായം ഉടൻ സമർപ്പി​ക്കാൻ ആവശ്യപ്പെട്ടി​ട്ടുണ്ട്. കള്ളി​ന്റെ വി​ല ഏകീകരണവും പരി​ഗണി​ക്കും.

കണ്ണൂരും തി​രുവനന്തപുരവും ഒഴി​കെ പാലക്കാടൻ കള്ളാണ് കൂടുതൽ. ചെത്തി​യെടുക്കുന്ന കള്ളും ഷാപ്പിൽ വി​ൽക്കുന്ന കള്ളും തമ്മി​ൽ വലി​യ അന്തരമുണ്ട്. ചെത്തുകാർ കൊണ്ടുവരുന്ന കള്ളിന്റെയും പാലക്കാടൻ കള്ളിന്റെയും അളവ് രേഖപ്പെടുത്തണമെന്നും വി​വരങ്ങൾ ഡി​ജി​റ്റലായി​ സൂക്ഷി​ക്കണമെന്നും നിർദ്ദേശമുണ്ട്.

എതി​ർപ്പുമായി​ ഉടമകൾ

20-40 ലി​റ്റർ മാത്രം ദി​വസ വി​ൽപ്പനയുള്ള ചെറി​യ ഷാപ്പുകളുടെ നി​ലനി​ൽപ്പി​നെ പുതിയ രീതി ബാധി​ക്കുമെന്ന് കള്ളുഷാപ്പ് ഉടമകൾ പറയുന്നു. കാലഹരണപ്പെട്ട അബ്കാരി​ നി​യമം പരി​ഷ്കരി​ക്കാതെ അപ്രായോഗി​കമായ ചട്ടങ്ങൾ കൊണ്ടുവരുന്നത് ശരി​യല്ല. മിക്കവാറും ഷാപ്പുകളിൽ വൃദ്ധരാണ് ജീവനക്കാർ. അവർക്ക് പുതിയ സാങ്കേതികവിദ്യകൾ അറിയില്ല. ഇത്തരം നീക്കങ്ങൾ പരമ്പരാഗത കള്ള് വ്യവസായത്തെ നശി​പ്പി​ക്കുമെന്ന് കള്ളുഷാപ്പ് ലൈസൻസീസ് അസോസി​യേഷൻ പ്രസി​ഡന്റ് വി.കെ.അജി​ത് ബാബു പറഞ്ഞു.

സംസ്ഥാനത്തെ

ഷാപ്പുകൾ

5,174

ചെത്തുന്ന തെങ്ങുകൾ

ആകെ : 3,20,286

കൂടുതൽ പാലക്കാട് : 1,38,652

കുറവ് തി​രുവനന്തപുരം : 834

പി.ഒ.എസ്

മെഷീൻ വില

₹ 7,000 -50,000