രണ്ട് ദിവസം ഇടവേളകളോട് മഴ

തിരുവനന്തപുരം:രണ്ട് ദിവസം സംസ്ഥാനത്ത് നേരിയ മഴ ലഭിക്കും.എന്നാൽ 1ന് ബംഗാൾ ഉൾക്കടലിൽ വീണ്ടും ചക്രവാതച്ചുഴി രൂപപ്പെട്ട് ന്യൂനമർദ്ദമാകുന്നതോടെ മൂന്ന് ദിവസവുംകൂടി വ്യാപക മഴയായിരിക്കും.മലയോര മേഖലകളിലാണ് കൂടുതൽ മഴ ലഭിക്കുക.നിലവിൽ മുന്നറിയിപ്പുകളൊന്നുമില്ല.മഴയോടൊപ്പം ശക്തമായ ഇടിമിന്നലിനും സാദ്ധ്യതയുണ്ട്. 30 മുതൽ 40 കിലോമീറ്റർ വരെ വേഗതയിൽ വീശിയടിക്കുന്ന കാറ്റിനും സാദ്ധ്യതയുള്ളതിനാൽ ജനങ്ങൾ ജാഗ്രത പാലിക്കണം.കേരള തീരത്ത് മത്സ്യബന്ധനം പാടില്ല.ഉയർന്ന തിരമാലകൾ മൂലം കേരള തീരത്ത് കടലാക്രമണ സാദ്ധ്യതയുള്ളതിനാൽ തീരദേശവാസികൾ ജാഗ്രത പാലിക്കണം.