അർത്തുങ്കൽ കടപ്പുറത്ത് ക്രിക്കറ്റ് കളിച്ച് ജോണ്ടി റോഡ്സ്

ചേർത്തല : അർത്തുങ്കൽ കടപ്പുറത്ത് ക്രിക്കറ്റ് കളിക്കുകയായിരുന്ന യുവാക്കൾക്ക് കഴിഞ്ഞദിവസം പുതിയൊരു കളിക്കൂട്ടുകാരനെ കിട്ടി. ആൾ സാധാരണക്കാരനല്ല . ദക്ഷിണാഫ്രിക്കൻ ക്രിക്കറ്റിലെ ഫീൽഡിംഗ് ഇതിഹാസം ജോണ്ടി റോഡ്സ്. ചേർത്തല ചേന്നവേലിയിലെ പഞ്ചനക്ഷത്ര ഹോട്ടലിൽ ആയുർവേദ ചികിത്സയ്ക്ക് എത്തിയതാണ് അദ്ദേഹം. തിങ്കളാഴ്ച വൈകിട്ട് അർത്തുങ്കൽ ക്രിക്കറ്റ് ക്ലബിലെ യുവതാരങ്ങൾ ബാറ്റും ബോളുമായി ചേന്നവേലിയിൽ നിൽക്കുമ്പോൾ റോഡ്സ് അവരുടെ അടുത്തെത്തി​. കളിക്കുന്നത് എവിടെയാണെന്ന് അന്വേഷി​ച്ചശേഷം അടുത്ത ദി​വസം താനും കൂടാമെന്ന് അറി​യി​ച്ചു. റോഡ്സ് വാക്കുമാറ്റി​യി​ല്ല. ഇന്നലെ രാവിലെ സൈക്കിളിൽ അർത്തുങ്കലിൽ എത്തി കടപ്പുറത്ത് ക്രിക്കറ്റ് കളി​ക്കാൻ കൂടി​ . അല്പനേരം കൊണ്ട് അർത്തുങ്കലിലെ ക്രിക്കറ്റ് താരങ്ങളുടെ പ്രിയങ്കരനായി ജോണ്ടി മാറി. പറക്കും ഫീൽഡറായിരുന്ന ജോണ്ടിമുംബയ് ഇന്ത്യൻസിന്റെ കോച്ചുമായിരുന്നു.