നാമജപ യാത്രകൾ നടത്തും

കൊച്ചി​: ശബരിമലയെ സംരക്ഷിക്കണമെന്നാവശ്യപ്പെട്ട് ക്ഷേത്രങ്ങൾ കേന്ദ്രീകരിച്ച് നാമജപ യാത്രകൾ നടത്താൻ ഹിന്ദു ഐക്യവേദി സംസ്ഥാന അദ്ധ്യക്ഷൻ ആർ.വി. ബാബു ആഹ്വാനം ചെയ്തു. സ്വർണ്ണക്കൊള്ളയെക്കുറി​ച്ച് സി.ബി.ഐ. അന്വേഷണം വേണം. ശബരിമലയിൽ നടന്നത് ദേവസ്വം ബോർഡ് അധി​കൃതരുടെ അറി​വോടെയുള്ള ആസൂത്രിതമായ കൊള്ളയാണ്. സ്വർണ്ണം പൂശിയ പാളികൾ ചെമ്പായിരുന്നുവെന്ന് സ്ഥാപിക്കാനാണ് ശ്രമം. ഈ ദേവസ്വം ബോർഡ് അധികാരത്തിൽ തുടരുന്നത് വിശ്വാസികളോടുള്ള വെല്ലുവിളിയാണെന്നും ശക്തമായ പ്രക്ഷോഭം സംഘടിപ്പിക്കുമെന്നും ബാബു പറഞ്ഞു.