ഉടുപ്പിടാത്ത സിനിമാക്കാരെ ഉദ്ഘാടനത്തിന് കൊണ്ടുവരുന്നു : യു.പ്രതിഭ

കായംകുളം : സിനിമാക്കാർക്കെതിരെ കടുത്ത വിമർശനവുമായി യു.പ്രതിഭ എം.എൽ.എ രംഗത്തെത്തി . 'ഉടുപ്പിടാത്ത സിനിമാക്കാരെ ഉദ്ഘാടനത്തിന് കൊണ്ടുവരുന്നത് ഒരു പുതിയ സംസ്കാരമാണ്. അവർ വന്നാൽ എല്ലാവരും ഇടിച്ചുകയറും. സമൂഹത്തിന് സിനിമാക്കാരോട് ഭ്രാന്താണ്. തുണിയുടുത്ത് വരാൻ പറയണം. മാന്യമായി വസ്ത്രം ധരിക്കുകയാണ് വേണ്ടത്. തുണി ഉടുക്കാനും ഉടുക്കാതിരിക്കാനും സ്വാതന്ത്ര്യം ഉള്ള നാട്ടിലാണ് നമ്മൾ ജീവിക്കുന്നത' - കായംകുളത്ത് എരുവയിൽ നളന്ദ കലാസാസ്കാരിക വേദിയുടെ നാടകോത്സവത്തിൽ സംസാരിക്കവേ അവർ പറഞ്ഞു. ഇത് പറഞ്ഞതിന്റെ പേരിൽ സദാചാരക്കാർ തന്റെ നേർക്ക് വരേണ്ടതില്ലെന്നും എം.എൽ.എ ചൂണ്ടിക്കാട്ടി.

ജനാധിപത്യത്തിൽ താരരാജാക്കന്മാർക്കല്ല ജനങ്ങൾക്കിടയിൽ പ്രവർത്തിക്കുന്ന പച്ച മനുഷ്യർക്കാണ് പ്രാധാന്യം ഉണ്ടാകേണ്ടതെന്നും പറഞ്ഞു.