ഡോ.സയ്യിദ് അംജദ് അഹമ്മദ് നിര്യാതനായി

തിരുവനന്തപുരം: കാലിക്കറ്റ് സർവകലാശാലയിലെ മാസ് കമ്മ്യൂണിക്കേഷൻ ആൻഡ് ജേർണലിസം വിഭാഗം മുൻ മേധാവിയും പ്രൊഫസറുമായിരുന്ന ഡോ.സയ്യിദ് അംജദ് അഹമ്മദ് (76) നിര്യാതനായി. ഇന്നലെ രാവിലെ ബംഗളൂരുവിലായിരുന്നു അന്ത്യം. കബറടക്കം ബംഗളൂരു മസ്ജിദ്- ഇ-ഖാദിരിയയിൽ നടത്തി. ഭാര്യ: രഹന. മകൻ: സാദ്. കമ്മ്യൂണിക്കേഷൻ ഗവേഷണ രംഗത്തെ മികച്ച അദ്ധ്യാപകനും പ്രശസ്ത ഗവേഷകനുമായിരുന്നു. കാലിക്കറ്റ് സർവകലാശാലയിൽ ഇ.എം.ആർ.സി ഡയറക്ടറായും സേവനമനുഷ്ഠിച്ചിട്ടുണ്ട്. ഐ.ഐ.എം ബാംഗളൂരിലും കുറച്ചുകാലം പ്രവർത്തിച്ചു. യു.ജി.സിയുടെ എമെരിറ്റസ് ഫെലോ അവാർഡ് ലഭിച്ചിട്ടുണ്ട്. വിരമിച്ച ശേഷം ബംഗളൂരുവിൽ സ്ഥിരതാമസമാക്കിയിരുന്നു.