പുല്ലാട്​ ഉപജില്ല 92 പോയിന്റുമായി മുമ്പിൽ

കൊടുമൺ: ജില്ലാ സ്​കൂൾ കായികമേളയുടെ ആദ്യദിനത്തിൽ പുല്ലാട്​ ഉപജില്ല 92 പോയിന്റുമായി മുന്നേറുന്നു. 13 സ്വർണ്ണവും 7 വെള്ളിയും 6 വെങ്കലവും പുല്ലാട്​നേടി. 34 പോയിന്റുമായിരണ്ടാം സ്​ഥാനം റാന്നിക്കാണ്​​. 4 സ്വർണ്ണവും 4 വെള്ളിയും 2 വെങ്കലവും റാന്നിക്ക്​ ലഭിച്ചു. 26 പോയിന്റുമായിപത്തനംതിട്ട മൂന്നാമതാണ്​ .2 സ്വർണ്ണവും, 4 വെള്ളിയും , 4 വെങ്കലവും ലഭിച്ചു . സ്​കൂൾ വിഭാഗത്തിൽ സെന്റ്​ ജോൺസ്​ എച്ച്.​ എസ്​ ഇരവിപേരൂർ 65 പോയിൻറുമായി മുന്നിട്ട്​ നിൽക്കുന്നു. 11 സ്വർണ്ണവും 3 വെള്ളിയും 1 വെങ്കലവും നേടി. രണ്ടാമത്​ 26 പോയിന്റുമായിഎം.ടി.എച്ച്​. എസ്​ കുറിയന്നൂരാണ്.​ രണ്ട്​ സ്വർണ്ണവും നാല്​​ വെള്ളിയും നാല്​ വെങ്കലവും കുറിയന്നൂർ നേടി. മൂന്നാമത്​ 21 പോയിന്റുമായി എം.എസ്​.എച്ച്​.എസ്​ എസ്​ റാന്നിയാണ്. മൂന്ന്​ സ്വർണ്ണവുംരണ്ട്​ വെള്ളിയും റാന്നിക്ക്​ ലഭിച്ചു. മഴ കാരണം ഇന്നലെ നടക്കേണ്ടിയിരുന്ന ചില മത്സരങ്ങൾ പുന:ക്രമീകരിച്ചിട്ടുണ്ട്​. ജൂനിയർ ബോയ്സ് ഡിസ്കസ് ത്രോ ഇന്ന് നടക്കും. സബ് ജൂനിയർ ബോയ്സ് ഡിസ്കസ് ​ത്രോ, സബ് ജൂനിയർ ഗേൾസ് ​ ഹൈജംമ്പ്​ നാളെ നടക്കും. ഉച്ചയോടെ മഴ പെയ്തത് കായിക മേളയ്ക്ക് മങ്ങൽ ഏല്ലിച്ചു .കാലാവസ്ഥ പ്രതികൂലമായിട്ടും മത്സരങ്ങൾക്ക് തടസമുണ്ടായില്ല. സിന്തറ്റിക് ട്രാക്ക് ആയതിനാൽ ഓട്ട മത്സരങ്ങൾ ട്രാക്കിനെ കാര്യമായി ബാധിച്ചില്ല.