അഞ്ചര ഏക്കറിൽ പാളയം ന്യൂമാർക്കറ്റ് വിവാദങ്ങൾക്കിടയിൽ നാടിന് സമർപ്പിച്ച് മുഖ്യമന്ത്രി

കോഴിക്കോട്: ഒരു വശത്ത് പ്രതിഷേധവുമായി വ്യാപാരികൾ മറുവശത്ത് മുഖം കറുപ്പിച്ച് പ്രതിപക്ഷം. പ്രതിഷേധം ചൂട് പിടിച്ച അന്തരീക്ഷത്തിൽ സംസ്ഥാനത്തെ ഏറ്റവും വലിയ പച്ചക്കറി മാർക്കറ്റുകളിലൊന്നായ കല്ലുത്താൻകടവിലെ ന്യൂപാളയം മാർക്കറ്റ് മുഖ്യമന്ത്രി പിണറായി വിജയൻ നാടിന് സമർപ്പിച്ചു. കേരളത്തിൽ വികസനം നടപ്പാക്കുന്നത് ആരെയും കുടിയൊഴിപ്പിച്ചുകൊണ്ടല്ല, മറിച്ച് ഏവരെയും പുരനധിവസിപ്പിച്ചുകൊണ്ടാണ് എന്ന സർക്കാർ നിലപാട് ഉറക്കെ പ്രഖ്യാപിക്കുന്നതുകൂടിയാണ് പദ്ധതിയെന്നും മുഖ്യമന്ത്രി പറഞ്ഞു. നാടിന്റെ വികസനത്തിനും സാമൂഹിക മാറ്റത്തിനുമായി എല്ലാവരും ഒന്നിച്ച് നിൽക്കണം. കോഴിക്കോട് കോർപറേഷൻ മാതൃകാപരമായ പ്രവർത്തനങ്ങളാണ് ചെയ്യുന്നതെന്നും അദ്ദേഹം പറഞ്ഞു.

ന്യൂ പാളയം മാർക്കറ്റ് സമുച്ചയത്തിലെ മൾട്ടി ലെവൽ മാർക്കറ്റിന്റെ ഉദ്ഘാടനം തദ്ദേശ സ്വയംഭരണ മന്ത്രി എം.ബി രാജേഷ് നിർവഹിച്ചു. തദ്ദേശ സ്വയംഭരണ സ്ഥാപനങ്ങൾ മുഖേന കഴിഞ്ഞ അഞ്ച് വർഷത്തിനിടെ 70,000 കോടി രൂപയുടെ വികസന പ്രവൃത്തികൾ സംസ്ഥാനത്ത് നടത്തിയതായി മന്ത്രി പറഞ്ഞു. ഹോൾസെയിൽ ആൻഡ് ഓപ്പൺ മാർക്കറ്റിന്റെ ഉദ്ഘാടനം പൊതുമരാമത്ത്,​ ടൂറിസം മന്ത്രി പി.എ മുഹമ്മദ് റിയാസ് നിർവഹിച്ചു. നഗരവികസനത്തിന്റെ ഭാഗമായി 1000 കോടിയിലധികം രൂപ ചെലവഴിച്ച് നഗരത്തിൽ 12 പുതിയ ഡിസൈൻഡ് റോഡുകൾക്ക് സർക്കാർ അനുമതി നൽകിയതായും മന്ത്രി അറിയിച്ചു. മാർക്കറ്റിലെ ബ്ലോക്കുകൾ തമ്മിൽ ബന്ധിപ്പിക്കുന്നതിനായി പാലം നിർമിക്കാൻ പൊതുമരാമത്ത് എൻ.ഒ.സി നൽകുമെന്നും മന്ത്രി പറഞ്ഞു. മാർക്കറ്റിലെ കടകളുടെ താക്കോൽദാന ഉദ്ഘാടനവും മുഖ്യമന്ത്രി നിർവഹിച്ചു. കോർപറേഷൻ മേയർ ഡോ. ബീന ഫിലിപ്പ് അദ്ധ്യക്ഷത വഹിച്ചു. എം.എൽ.എ മാരായ അഹമ്മദ് ദേവർകോവിൽ, തോട്ടത്തിൽ രവീന്ദ്രൻ, ഡെപ്യൂട്ടി മേയർ സി.പി മുസാഫർ അഹമ്മദ്, ജില്ലാ പഞ്ചായത്ത് വൈസ് പ്രസിഡന്റ് അഡ്വ. പി ഗവാസ്, ജില്ലാ കളക്ടർ സ്‌നേഹിൽ കുമാർ സിംഗ് തുടങ്ങിയവർ പങ്കെടുത്തു.

അത്യധുനിക സൗകര്യങ്ങളോടെ പുതിയ മാർക്കറ്റ്

കല്ലുത്താൻ കടവിലെ അഞ്ചര ഏക്കർ സ്ഥലത്താണ് അത്യാധുനിക സൗകര്യങ്ങളോടെ പുതിയ മാർക്കറ്റ് നിർമിച്ചത്. കോർപറേഷന്റെ പി.പി.പി മാതൃകയിലുള്ള പദ്ധതിയിൽ ബി.ഒ.ടി അടിസ്ഥാനത്തിൽ നിർമ്മാണം നടത്തിയത് കല്ലുത്താൻ കടവ് ഏരിയ ഡവലപ്മെന്റ് കമ്പനി (കാഡ്കോ) ആണ്. 2009-ൽ തറക്കല്ലിട്ട പദ്ധതിക്ക് കോർപറേഷൻ 30 കോടി രൂപ ചെലവിൽ സ്ഥലം നൽകി. 100 കോടി രൂപ ചെലവഴിച്ചാണ് നിർമാണം. ആറ് ബ്ലോക്കുകളായി നിർമിച്ച മാർക്കറ്റിൽ പ്രധാന ബ്ലോക്കിന്റെ മുകൾ ഭാഗത്തുൾപ്പെടെ അഞ്ഞൂറോളം വാഹനങ്ങൾക്ക് പാർക്ക് ചെയ്യാൻ സൗകര്യമുണ്ട്. ഒന്നാം നിലയിലേക്ക് മീഞ്ചന്ത - അരയിടത്തുപാലം ബൈപാസിൽ നിന്ന് നേരിട്ടു വാഹനങ്ങൾക്ക് കയറാം. കെട്ടിടത്തിനു മുകളിലേക്ക് ഓട്ടോ, ഗുഡ്സ് വാഹനങ്ങൾക്ക് കയറാൻ മൂന്ന് റാംപുകൾ ഉണ്ട്. പാളയത്ത് കച്ചവടം നടത്തുന്നതിനു ലൈസൻസുള്ള 153 കച്ചവടക്കാർക്ക് ന്യൂ മാർക്കറ്റിൽ മുറികളും ഒരുക്കി.

മാ​ർ​ക്ക​റ്റ് ​ഉ​ദ്ഘാ​ട​നം​:​ ​ക​രി​ദി​ന​മാ​യി​ ​പ്ര​തി​ഷേ​ധി​ച്ച് ​വ്യാ​പാ​രി​കൾ

കോ​ഴി​ക്കോ​ട്:​ ​ക​ല്ലു​ത്താ​ൻ​ക്ക​ട​വ് ​പ​ച്ച​ക്ക​റി​ ​മാ​ർ​ക്ക​റ്റ് ​ഉ​ദ്ഘാ​ട​നം​ ​ക​രി​ദി​ന​മാ​ക്കി​ ​വാ​യ​ ​മൂ​ടി​ക്കെ​ട്ടി​ ​പ്ര​തി​ഷേ​ധി​ച്ച് ​വ്യാ​പാ​രി​ക​ൾ.​ ​മാ​ർ​ക്ക​റ്റ് ​ഉ​ദ്ഘാ​ട​ന​ത്തി​നാ​യി​ ​മു​ഖ്യ​മ​ന്ത്രി​ ​പി​ണ​റാ​യി​ ​വി​ജ​യ​ൻ​ ​ക​ല്ലു​ത്താ​ൻ​ ​ക​ട​വി​ലെ​ ​പു​തി​യ​ ​മാ​ർ​ക്ക​റ്റി​ൽ​ ​എ​ത്തു​ന്ന​തി​ന് ​മു​ൻ​പാ​യാ​ണ് ​വ്യാ​പാ​രി​ക​ളും​ ​തൊ​ഴി​ലാ​ളി​ക​ളും​ ​പാ​ള​യ​ത്ത് ​പ്ര​തി​ഷേ​ധം​ ​ന​ട​ത്തി​യ​ത്.​ ​പ്ര​തി​ഷേ​ധ​ത്തി​നി​ടെ​ ​ഒ​രു​ ​വി​ഭാ​ഗം​ ​അ​നു​കൂ​ലി​ച്ചും​ ​പ്ര​തു​കൂ​ലി​ച്ചും​ ​എ​ത്തി​യ​തോ​ടെ​ ​ര​ണ്ട് ​വി​ഭാ​ഗം​ ​ക​ച്ച​വ​ട​ക്കാ​രും​ ​ത​മ്മി​ൽ​ ​സം​ഘ​ർ​ഷ​ത്തി​നി​ട​യാ​ക്കി.​ ​ഇ​തി​നി​ടെ,​ ​ക​ല്ലു​ത്താ​ൻ​ ​ക​ട​വി​ലേ​ക്ക് ​മാ​റ്റു​ന്ന​തി​നെ​ ​അ​നു​കൂ​ലി​ക്കു​ന്ന​വ​ർ​ ​പ്ര​ക​ട​ന​മാ​യി​ ​എ​ത്തി.​ ​ഇ​വ​രെ​ ​പ്ര​തി​ഷേ​ധ​ക്കാ​ർ​ ​കൂ​കി​ ​വി​ളി​ച്ച​താ​ണ് ​സം​ഘ​ർ​ഷ​ത്തി​ലേ​ക്ക് ​ന​യി​ച്ച​ത്.

ഇ​തോ​ടെ​ ​പൊ​ലീ​സും​ ​പ്ര​തി​ഷേ​ധ​ക്കാ​രും​ ​ത​മ്മി​ൽ​ ​ഉ​ന്തും​ ​ത​ള്ളും​ ​ഉ​ണ്ടാ​യി.​ ​വ​രും​ ​ദി​വ​സ​ങ്ങ​ളി​ൽ​ ​സ​ത്യാ​ഗ്ര​ഹം​ ​ഉ​ൾ​പ്പെ​ടെ​യു​ള്ള​ ​ശ​ക്ത​മാ​യ​ ​പ്ര​തി​ഷേ​ധ​ ​സ​മ​ര​പ​രി​പാ​ടി​ക​ളി​ലേ​ക്ക് ​ക​ട​ക്കു​മെ​ന്ന് ​പ്ര​തി​ഷേ​ധ​ക്കാ​ർ​ ​അ​റി​യി​ച്ചു.​ ​ക​റു​ത്ത​ ​ബാ​ഡ്ജും​ ​ക​റു​ത്ത​ ​കോ​ടി​യും​ ​ഉ​ൾ​പ്പെ​ടെ​ ​ഉ​യ​ർ​ത്തി​ ​വാ​യ​ ​മൂ​ടി​ ​കെ​ട്ടി​ ​മ​നു​ഷ്യ​ൻ​ ​ച​ങ്ങ​ല​ ​തീ​ർ​ത്തു.​ ​പാ​ള​യം​ ​കോ​ഡി​നേ​ഷ​ൻ​ ​ക​മ്മി​റ്റി​യു​ടെ​ ​നേ​തൃ​ത്വ​ത്തി​ലാ​യി​രു​ന്നു​ ​പ്ര​തി​ഷേ​ധം.​ ​പാ​ള​യ​ത്തെ​ 95​ ​ശ​ത​മാ​നം​ ​ക​ച്ച​വ​ട​ക്കാ​രും​ ​തൊ​ഴി​ലാ​ളി​ക​ളും​ ​പ്ര​തി​ഷേ​ധ​ത്തി​ൽ​ ​പ​ങ്കെ​ടു​ത്തു.​ ​യാ​തൊ​രു​ ​സൗ​ക​ര്യ​വും​ ​ഇ​ല്ലാ​തെ​യാ​ണ് ​ക​ല്ലും​ത്താം​ക​ട​വി​ൽ​ ​കെ​ട്ടി​ടം​ ​നി​ർ​മ്മി​ച്ചി​രി​ക്കു​ന്ന​തെ​ന്നാ​ണ് ​തൊ​ഴി​ലാ​ളി​ക​ൾ​ ​പ​റ​യു​ന്ന​ത്.

​ബ​ഹി​ഷ്ക​രി​ച്ച് ​യു.​ഡി.​എ​ഫ് മാ​ർ​ക്ക​റ്റ് ​ഉ​ദ്ഘാ​ട​ന​ ​ച​ട​ങ്ങി​ൽ​ ​പ്ര​തി​പ​ക്ഷം​ ​വി​ട്ടു​ ​നി​ന്ന​തും​ ​ച​ർ​ച്ച​ക്കി​ട​യാ​ക്കി.​ ​പ്ര​തി​പ​ക്ഷ​ ​കൗ​ൺ​സി​ല​ർ​മാ​ർ,​ ​എം.​കെ​ ​രാ​ഘ​വ​ൻ​ ​എം.​പി​ ​തു​ട​ങ്ങി​യ​വ​ർ​ ​പ​ങ്കെ​ടു​ത്തി​രു​ന്നി​ല്ല.​ ​അ​ഴി​മ​തി​യാ​രോ​പി​ച്ചാ​ണ് ​പ്ര​തി​പ​ക്ഷ​ ​കൗ​ൺ​സി​ല​ർ​ ​പ​ങ്കെ​ടു​ക്കാ​തി​രു​ന്ന​ത്.​ ​ക​ഴി​ഞ്ഞ​ ​ദീ​വ​സം​ ​ന​ട​ന്ന​ ​ബീ​ച്ചി​ലെ​ ​ഫു​ഡ് ​സ്ട്രീ​റ്റ് ​ഉ​ദ്ഘാ​ട​ന​ത്തി​ൽ​ ​നി​ന്നും​ ​പ്ര​തി​പ​ക്ഷം​ ​വി​ട്ടു​നി​ന്നി​രു​ന്നു.