പേനയുടെ അടപ്പ് തൊണ്ടയിൽ കുടുങ്ങി: 4 വയസുകാരന് ദാരുണാന്ത്യം

എരുമപ്പെട്ടി: കളിക്കുന്നതിനിടെ പേനയുടെ അടപ്പ് തൊണ്ടയിൽ കുടുങ്ങി നാലു വയസുകാരന് ദാരുണാന്ത്യം. എരുമപ്പെട്ടി ആദൂര് കണ്ടേരി വളപ്പിൽ ഉമ്മർ- മുഫീദ ദമ്പതികളുടെ മകൻ മുഹമ്മദ് ഷഹലാണ് മരിച്ചത്. ഇന്നലെ രാവിലെ ഒമ്പതോടെയായിരുന്നു സംഭവം.

വീട്ടിൽ പേന വച്ച് കളിക്കുന്നതിനിടെ അടപ്പ് ഊരി വായിലിടുകയായിരുന്നു. ഉടൻ മരത്തങ്ങോട് അൽ അമീൻ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. സംസ്‌കാരം നടത്തി. സഹോദരി: ഫാത്തിമ ഷഹാന.