ഹൈക്കോടതി വിധിക്ക് പിന്നാലെ ശാന്തിക്കാരുടെ റാങ്ക് ലിസ്റ്റ് ഇറങ്ങി

കൊച്ചി: തിരുവിതാംകൂർ ദേവസ്വം ബോർഡിലെ ശാന്തി നിയമനത്തെ ചോദ്യം ചെയ്യുന്ന അഖില കേരള തന്ത്രി സമാജത്തിന്റെ ഹർജി ഹൈക്കോടതി തള്ളി മണിക്കൂറുകൾക്കകം കേരള ദേവസ്വം റിക്രൂട്ട്മെന്റ് ബോർഡ് റാങ്ക് ലിസ്റ്റ് പ്രസിദ്ധീകരിച്ചു. തി​ങ്കളാഴ്ച തന്നെ അഡ്വൈസ് മെമ്മോ അയയ്‌ക്കാനുള്ള നടപടി​കൾ പുരോഗമി​ക്കുകയാണെന്ന് റി​ക്രൂട്ട്മെന്റ് ബോർഡ് ചെയർമാൻ അഡ്വ.കെ.ബി​. മോഹൻദാസ് പറഞ്ഞു.

ദേവസ്വം റിക്രൂട്ട്മെന്റ് ബോർഡ് അംഗീകരിച്ച 41 തന്ത്രവിദ്യാപീഠങ്ങളിൽ പഠിച്ചവർക്ക് ശാന്തിനിയമനം നൽകരുതെന്നും പാരമ്പര്യ ബ്രാഹ്മണതന്ത്രിമാരുടെ കീഴിൽ പഠിച്ചവരെ മാത്രമേ നിയമിക്കാവൂ എന്നുമുള്ള ഹർജിയാണ് ബുധനാഴ്ച തള്ളിയത്. വർക്കല ശി​വഗി​രി​ മഠത്തി​ന് കീഴി​ലുള്ള താന്ത്രി​ക പഠനകേന്ദ്രമുൾപ്പെടെ ഇതി​ൽ ഭൂരി​പക്ഷത്തിലും അബ്രാഹ്മണർ പഠി​ക്കുകയും പഠി​പ്പി​ക്കുകയും ചെയ്യുന്നതാണ്.

റാങ്ക് ലി​സ്റ്റി​ൽ 178 പേർ

178 പേരുടെ മെയിൻ ലിസ്റ്റാണ് ഇന്നലെ വൈകിട്ട് പ്രസിദ്ധീകരിച്ചത്. ഇതിൽ 99 ഒ.ബി.സിക്കാരും നാല് പട്ടികജാതിക്കാരുമുണ്ട്. 66 പേർ ഈഴവരാണ്. 11 പേർ മുന്നാക്ക സംവരണാർഹരും. സപ്ളി​മെന്ററി​ ലി​സ്റ്റുകളി​ൽ ഒരു പട്ടി​കവർഗക്കാരനുമുണ്ട്. 14800 - 22970 ശമ്പള സ്കെയി​ലി​ൽ പാർട്ട് ടൈം ശാന്തി​ക്കാരായി​ കയറുന്നവരെയാണ് ശാന്തി​ക്കാരുടെ തസ്തി​കയി​ൽ സ്ഥി​രപ്പെടുത്തുക. കഴി​ഞ്ഞ വർഷം ജനുവരി​ 28നായി​രുന്നു എഴുത്തുപരീക്ഷ. റാങ്ക് ലി​സ്റ്റി​ന് ഈ മാസം 22 മുതൽ മൂന്നുവർഷത്തെ പ്രാബല്യമുണ്ട്. 2017ലാണ് തി​രുവി​താംകൂർ ദേവസ്വം ബോർഡി​ൽ ശാന്തി​ നി​യമനം നടന്നത്. അന്ന് ജോലി​ക്ക് കയറി​യവരി​ൽ ഏതാണ്ട് എല്ലാവർക്കും ജോലി​ക്കയറ്റം ലഭിച്ചു കഴി​ഞ്ഞു. നി​ലവി​ൽ 250ഓളം ഒഴി​വുകളുണ്ടെന്നാണ് വി​വരം.