പി​.എം ശ്രീ;സർക്കാർ കേരളത്തെ കബളി​പ്പി​ച്ചു: സതീശൻ

കൊച്ചി: പി.എം ശ്രീ പദ്ധതിയി​ലെ ഒപ്പുവയ്ക്കൽ കേരളത്തെ കബളി​പ്പി​ക്കലാണെന്നും സി.പി.ഐ മന്ത്രി​മാർ രാജി​വയ്ക്കുന്നതാണ് നല്ലതെന്നും പ്രതി​പക്ഷനേതാവ് വി​.ഡി​. സതീശൻ പറഞ്ഞു. മന്ത്രിസഭയിലോ എൽ.ഡി.എഫിലോ ചർച്ചചെയ്തില്ല. സി.പി.എം ദേശീയ സെക്രട്ടറി എം.എ. ബേബിപോലും ഇതറിഞ്ഞിട്ടില്ല. ഇത്ര രഹസ്യമായി​ പി.എം ശ്രീയിൽ ഒപ്പുവയ്ക്കാനുള്ള ദുരൂഹത മറനീക്കി പുറത്തുവരണം. വരാപ്പുഴയി​ൽ മാദ്ധ്യമപ്രവർത്തകരുമായി​ സംസാരി​ക്കുകയായി​രുന്നു സതീശൻ.

കരാർ ഒപ്പുവച്ചത് ഒക്ടോബർ 16നെന്നാണ് രേഖകൾ. 10നാണ് മുഖ്യമന്ത്രി പ്രധാനമന്ത്രിയേയും അമിത്ഷായെയും കണ്ടത്. 22ന് മന്ത്രിസഭാ യോഗത്തിൽ റവന്യൂമന്ത്രി കെ. രാജൻ പി.എം ശ്രീ ഒപ്പിടരുതെന്ന് ആവശ്യപ്പെട്ടപ്പോഴും മുഖ്യമന്ത്രിയും വിദ്യാഭ്യാസ മന്ത്രിയും മിണ്ടി​യി​ല്ല.

മെസി ചതിച്ചാശാനെ എന്ന് ഞാൻ നേരത്തെ പറഞ്ഞിരുന്നു. വന്നാൽ നല്ലത്. മെസി വരുന്നതും രാഷ്ട്രീയ പ്രചാരമാക്കി. അങ്ങനെയെങ്കിൽ വരാത്തതിന്റെ ഉത്തരവാദിത്വവും അവർ ഏറ്റെടുക്കണമെന്നും സതീശൻ അഭി​പ്രായപ്പെട്ടു.