തീർത്ഥാടന കമ്മിറ്റി ഓഫീസ് ഉദ്ഘാടനം ഇന്ന്

ശിവഗിരി : 93-ാമത് ശിവഗിരി മഹാതീർത്ഥാടന കമ്മിറ്റി ഓഫീസ് ഇന്ന് രാവിലെ 9.30ന് ശ്രീനാരായണ ധർമ്മസംഘം ട്രസ്റ്റ് പ്രസിഡന്റ് സ്വാമി സച്ചിദാനന്ദ ഉദ്ഘാടനം ചെയ്യും. ജനറൽ സെക്രട്ടറി സ്വാമി ശുഭാംഗാനന്ദ, ട്രഷററും തീർത്ഥാടന കമ്മിറ്റി സെക്രട്ടറിയുമായ സ്വാമി ശാരദാനന്ദ ,കമ്മിറ്റി ജോയിന്റ് സെക്രട്ടറിമാരായ സ്വാമി അസംഗാനന്ദഗിരി, സ്വാമി വീരേശ്വരാനന്ദ,സ്വാമി വിരജാനന്ദഗിരി മറ്റു സന്യാസി ശ്രേഷ്ഠർ, വിവിധ കമ്മിറ്റി ഭാരവാഹികൾ, ഭക്തജനങ്ങൾ തുടങ്ങിയവർ പങ്കെടുക്കും. നവംബർ മുതൽ ശിവഗിരി തീർത്ഥാടന ലക്ഷ്യപ്രചാരണ സമ്മേളനങ്ങളും സെമിനാറുകളും ആരംഭിക്കും.ഡിസംബർ 15 മുതൽ 2026 ജനുവരി 5 വരെയാണ് തീർത്ഥാടന കാലം.