കെ.എസ്.ആർ.ടി.സി പറ്റി​ച്ചു, ബുക്ക് ചെയ്തത് വോൾവോ, എത്തി​യത് സൂപ്പർഫാസ്റ്റ്

ഏനാത്ത് : കെ.എസ്.ആർ.ടി.സിയുടെ സാങ്കേതിക പിഴവിൽ ഏനാത്ത് പള്ളിവടക്കേതിൽ സന്തോഷ്‌ കുമാറി​ന് നേരിടേണ്ടി വന്നത് യാത്രാദുരിതം. അടൂർ - കോഴിക്കോട് റൂട്ടിൽ ഇന്നലെ രാവിലെ പുറപ്പെടാനുള്ള രീതിയിൽ സന്തോഷ്‌ കുമാർ www.onlineksrtcswift.com വഴി ടിക്കറ്റ് ബുക്ക് ചെയ്യുകയായി​രുന്നു. ബുധനാഴ്ച വൈകിട്ട് 7.15ന് ആണ് ബുക്ക് ചെയ്തത്. ഇന്നലെ രാവിലെ ബസ് കയറാനായി അടൂർ ഡിപ്പോയിൽ എത്തിയപ്പോൾ ആണ് പറ്റിക്കപ്പെട്ടുവെന്നു സന്തോഷ്‌ കുമാറിന് മനസിലായത്.

അവസാനം ഗത്യന്തരമില്ലാതെ സൂപ്പർ ഫാസ്റ്റി​ൽ കോഴിക്കോട് വരെ ഇദ്ദേഹത്തിന് യാത്ര ചെയ്യേണ്ടി വന്നു. കഴിഞ്ഞ ദിവസം ബുക്ക്‌ ചെയ്തപ്പോൾ സൈറ്റിൽ എ.സി വോൾവോ എന്നാണ് കാണിച്ചതെന്നും അതനുസരിച്ചു ബുക്ക്‌ ചെയ്തതാണെന്നും വഴിയിൽ പലയിടത്തായി ബസ് തകരാറാകുകയും ചെയ്തതായി സന്തോഷ്‌ കുമാർ കേരളകൗമുദിയോട് പറഞ്ഞു. പെരുമ്പാവൂരിൽ എത്തി​യപ്പോൾ ബസ് വർക്ക് ഷോപ്പിൽ കയറ്റേണ്ടിവന്നെന്നും സഞ്ചാര യോഗ്യമല്ലാത്ത പഴക്കം ചെന്ന ബസാണ് യാത്ര ചെയ്യാൻ ലഭിച്ചതെന്നും സന്തോഷ്‌ കുമാർ പറഞ്ഞു. കെ എസ് ആർ ടി സിയുടെ വാട്സ്ആപ് കംപ്ലയിന്റ് നമ്പരി​ൽ പരാതി നൽകിയിട്ടും പ്രതികരണമുണ്ടായി​ല്ല.സാങ്കേതിക പിഴവാണെന്നാണ് അധികൃതർ പറയുന്നത്.