പ്രാർത്ഥിക്കുന്ന കൈകൾ വാഴക്കുലയിലെ കൗതുകം

മൂവാറ്റുപുഴ: പായിപ്ര മനാറി ഹരിമന്ദിരത്തിൽ മൃദുല ഹരികൃഷ്ണന്റെ സ്നേഹ ഓർഗാനിക് ഫാമിലെത്തി​യാൽ കൗതുകമുണർത്തുന്ന രൂപമുള്ള പ്രേയിംഗ് ഹാൻഡ് വാഴപ്പഴം കാണാം. രുചി​യി​ലും മുമ്പനാണ് ഫിലിപ്പീൻസ് സ്വദേശി​യായ ഈ വാഴപ്പഴം. പ്രാർത്ഥിക്കുന്ന കൈകളോടുകൂടിയ രൂപമാണ് ഇവയുടെ പ്രധാന ആകർഷണം.

അല്പം പരന്ന രൂപവും ഞാലിപ്പൂവനേക്കാൾ മികച്ച തേൻമധുരവുമാണ് ഈ പഴത്തിന്റെ പ്രത്യേകത. അതീവ മൃദുലവുമാണ്. ഉയരം കൂടിയ 'ബിങ്കോൾ', അഞ്ച് മാസം കൊണ്ട് കുലയ്ക്കുന്ന ചെറുകായ സിവി റോസ്, ലേഡി ഫിംഗർ, യങ്ങാമ്പി, പിസാങ് ബെർലിൻ തുടങ്ങി പേരിൽ പോലും കൗതുകം ഒളിപ്പിച്ച ഒട്ടേറെയി​നം വാഴകൾ ഫാമി​ലുണ്ട്. 55 ഇനം കപ്പയും വി​വി​ധയി​നം പൈനാപ്പിളും സ്നേഹ ഓർഗാനിക് ഫാമിലുണ്ട്.