കഠിന ശ്രമം പാഴായി, ബംഗ്ളാദേശിനോട് തോറ്റ് നാണംകെട്ട് ഇന്ത്യ

ധാക്ക :എ.എഫ്.സി ഏഷ്യൻ കപ്പ് ഫുട്ബാൾ ഗ്രൂപ്പ് സിയിലെ അഞ്ചാം മത്സരത്തിലും ജയിക്കാൻ കഴിയാതെ ഇന്ത്യ. ബംഗ്ളാദേശിനോട് ഏകപക്ഷീയമായ ഒരു ഗോളിനാണ് ഇന്ത്യ തോ​റ്റത്. ധാക്കയിലെ നാഷണൽ സ്​റ്റേഡിയത്തിൽ നടന്ന മത്സരത്തിന്റെ 12ാം മിനിട്ടിൽ ഷേയ്ക്ക് മോർസാലിൻ നേടിയ ഗോളിനാണ് ബംഗ്ളാദേശ് ജയം കണ്ടത്. ആദ്യ പകുതിയിലും രണ്ടാം പകുതിയിലും തിരിച്ചടിക്കാൻ ഇന്ത്യൻ ടീം കഠിനമായി പരിശ്രമിച്ചെങ്കിലും നടന്നില്ല.

63ാം മിനിട്ടിൽ മലയാളിതാരം മുഹമ്മദ് സനാൻ മുന്നേ​റ്റനിരയിൽ പകരക്കാരനായി അരങ്ങേറിയിരുന്നു. കഴിഞ്ഞമാസം ഗോവയിൽ നടന്ന നാലാം മത്സരത്തിൽ സിംഗപ്പൂരിനോട് തോ​റ്റതോടെ ഗ്രൂപ്പിൽ നിന്ന് മുന്നേറാനുള്ള ഇന്ത്യയുടെ വഴിയടഞ്ഞിരുന്നു. അഞ്ച് കളികളിൽ മൂന്ന് തോൽവിയും രണ്ട് സമനിലകളുമായി രണ്ട് പോയിന്റ് മാത്രമുള്ള ഇന്ത്യ ഏ​റ്റവുമൊടുവിൽ നാലാം സ്ഥാനത്താണ്. ഇനി അടുത്ത മാർച്ചിൽ ഹോംഗ്‌കോംഗുമായി ഒരു മത്സരമാണ് ഇന്ത്യയ്ക്ക് അവശേഷിക്കുന്നത്.