ചൈത്രം വാർഷിക ആഘോഷം

കൊച്ചി​: എറണാകുളം കരയോഗത്തിന്റെ സാമൂഹ്യ സേവന വിഭാഗമായ ചൈത്രത്തിന്റെ 18-ാം വാർഷികാഘോഷം നടത്തി. കരയോഗം സെക്രട്ടറി​ പി​. രാമചന്ദ്രൻ ആഘോഷങ്ങൾ ഉദ്ഘാടനം ചെയ്തു. തലമുറകൾ തമ്മിൽ ക്രിയാത്മകമായ ആശയവിനിമയം നടക്കേണ്ടത് അനി​വാര്യമാണെന്നും സംഘർഷഭരിതമായ ജീവിത സാഹചര്യത്തിൽ മാനസിക പിന്തുണയയ്ക്കും ഏറെ പ്രസക്തി​യുണ്ടെന്നും അദ്ദേഹം പറഞ്ഞു. ചൈത്രം ഡയറക്ടർ മാലിനി മേനോൻ, കൺവീനർ കെ. ഭവാനി, സി​നു എന്നി​വർ സംസാരി​ച്ചു. 'മാറുന്ന കാലത്തിലെ മാറുന്ന മനസുകൾ" എന്ന വിഷയത്തിൽ ധന്യ ഡോക്ടേഴ്സ് ചേംബറിലെ കൺസൾട്ടന്റ് സൈക്യാട്രിസ്റ്റ് ഡോ. അശ്വിൻ കൃഷ്ണൻ അജിത് ക്ളാസെടുത്തു.