ഇരട്ടനേട്ടത്തിൽ കണനുണ്ണി

നാലാംവട്ടവും ഓട്ടൻതുള്ളലിൽ സംസ്ഥാന പോരിനൊരുങ്ങി ഇരിങ്ങോൾ ജി.വി.എച്ച്.എസ്.എസിലെ കണ്ണനുണ്ണി. രുഗ്മിണീ സ്വയംവരം കഥ വേദിയിൽ അവതരിപ്പിച്ച് ഒന്നാമതെത്തിയ കണനുണ്ണിക്ക് ഇത്തവണ കുച്ചിപ്പുടിയിൽ ഒന്നാം സ്ഥാനവും കേരള നടനത്തിൽ രണ്ടാം സ്ഥാനവുമുണ്ട്. കഴിഞ്ഞ വർഷം സംസ്ഥാനതലത്തിൽ ഓട്ടൻതുള്ളലിന് എ ഗ്രേഡ് ഉണ്ടായിരുന്നു. പെരുമ്പാവൂർ ഇരിങ്ങോൾ സ്വദേശികളായ ഉണ്ണിക്കൃഷ്ണൻ- ബിന്ദു ദമ്പതികളുടെ മകനായ കണ്ണനുണ്ണി കഥകളി, ചെണ്ട, തിമില, ഭരതനാട്യം, മോഹിനിയാട്ടം, സോപാന സംഗീതം, ശാസ്ത്രീയ സംഗീതം എന്നിങ്ങനെ 10ഓളം കലകൾ അഭ്യസിക്കുന്നു. കലോത്സവത്തിൽ കഥകളിയിൽ പങ്കെടുക്കണമെന്ന് ആഗ്രഹമുണ്ടെങ്കിലും സാമ്പത്തികം വില്ലനാണ്. കൃഷ്ണനുണ്ണിയാണ് സഹോദരൻ.