ആത്മീയ ജീവിതത്തിന്റെ അമ്പതാണ്ടുകൾ

ശിവഗിരി: ശ്രീനാരായണ ധർമ്മസംഘം ട്രസ്റ്റ് പ്രസിഡന്റും ചാലക്കുടി ഗായത്രി ആശ്രമം - പേരാമ്പ്ര ഗുരുചൈതന്യ മഠം പ്രസിഡന്റുമായ സ്വാമി സച്ചിദാനന്ദയുടെ 68-ാം ജന്മദിനം ചാലക്കുടി ഗായത്രി ആശ്രമത്തിൽ ഡിസംബർ 1ന് ആഘോഷിക്കും.

10,200 ലധികം പ്രഭാഷണങ്ങളും 438 മഹാധ്യാനങ്ങളും നടത്തുകയും, 75 ഓളം ഗുരുദേവ സംബന്ധിയായ ഗ്രന്ഥങ്ങൾ രചിക്കുകയും ചെയ്ത സച്ചിദാനന്ദ സ്വാമിയുടെ ആത്മീയ ജീവിതത്തിന് 50 ആണ്ടുകൾ .കഴിഞ്ഞ നാലു വർഷമായി ശിവഗിരി മഠം അദ്ധ്യക്ഷ

പദമലങ്കരിക്കുന്ന സ്വാമികളുടെ നേതൃത്വത്തിൽ ഗുരുദേവ പ്രസ്ഥാനത്തിന് അനൽപ്പമായ സംഭാവനകൾ നൽകി . ലോകവ്യാപകമായി ഗുരുദേവസന്ദേശ പ്രചരണം നടത്തി . .

നാളെ രാവിലെ 6ന് വിശേഷാൽ ഗുരുപൂജ. ശാന്തിഹവന യജ്ഞം, ആചാര്യ പൂജ. തുടർന്ന് ജന്മദിനാഘോഷ സമ്മേളനം. സ്വാമി സച്ചിദാനന്ദയുടെ ശിഷ്യ ഗുരുദർശന രഘന സമാഹരിച്ച് എഡിറ്റിംഗ് നിർവ്വഹിച്ച ശ്രീനാരായണ ദിവ്യചരിതം സുവർണ്ണപാതയിലെ പാദമുദ്രകൾ എന്ന ഗ്രന്ഥത്തിന്റെ പ്രകാശനം. ഗുരുദേവന്റെ ജീവിതത്തിലെ 1888-1928 കാലഘട്ടത്തിലെ നാഴികക്കല്ലുകളായ മഹത് സംഭവങ്ങളെ അധികരിച്ച് സ്വാമി സച്ചിദാനന്ദ 1982 മുതൽ എഴുതിയ ലേഖനങ്ങളുടെ സമാഹാരമാണ് ഗ്രന്ഥം. പിറന്നാൾ സദ്യയോടെ ആഘോഷം പര്യവസാനിക്കും.

ഫോട്ടോ: സ്വാമി സച്ചിദാനന്ദ