അനധികൃത നെയ്യഭിഷേകം വിലക്കി

ശബരിമല : ദേവസ്വത്തിന്റെ വഴിപാട് രസീത് ഇല്ലാതെ ശാന്തിക്കാരുടെ സഹായികൾ നെയ്യഭിഷേകം നടത്തുന്നതും ആടിയ ശിഷ്ടം നെയ് നൽകുന്നതും വിലക്കി. ദേവസ്വം വിജിലൻസിന്റെ റിപ്പോർട്ടിന്റെ അടിസ്ഥാനത്തിൽ എക്യൂട്ടിവ് ഓഫീസർ ഇത് സംബന്ധിച്ച് തന്ത്രി, മേൽശാന്തി, കീഴ്ശാന്തി എന്നിവർക്ക് കത്ത് നൽകി. ദേവസ്വത്തിന്റെ രസീത് എടുക്കാതെ എത്തുന്ന ഭക്തർക്ക് ശാന്തിമാരുടെ സഹായികൾ ദക്ഷിണ സ്വീകരിച്ച ശേഷം നെയ്യ് അഭിഷേകം നടത്തിക്കൊടുക്കുന്നതായും ആടിയ ശിഷ്ടം നെയ് വില്പന നടത്തുന്നതായും കഴിഞ്ഞ ദിവസം കണ്ടെത്തിയിരുന്നു.