സംസ്ഥാന സമ്മേളനം സമാപനം ഇന്ന്

കൊല്ലം: നേത്ര ശസ്ത്രക്രിയാ വിദഗ്ദ്ധരുടെ സംഘടനയായ കേരള സൊസൈറ്റി ഒഫ് ഒഫ്താൽമിക് സർജൻസ് (കെ.എസ്.ഒ.എസ്) സംസ്ഥാന സമ്മേളനം ദൃഷ്ടി 25 ഇന്ന് സമാപിക്കും. ഇന്നലെ സംസ്ഥാന കൗൺസിൽ യോഗം ചേർന്നു. വിദഗ്ദ്ധർ നൂറോളം പ്രബന്ധങ്ങൾ അവതരിപ്പിച്ചു. വിവിധ കലാപരിപാടികളും നടന്നു. ആരോഗ്യരംഗത്തെ വിവിധ മേഖലകളെ സമന്വയിപ്പിച്ച് 65 സ്റ്റാളുകളും ഒരുക്കിയിരുന്നു. കൊല്ലം ലീല അഷ്ടമുടി റാവിസ് ഹോട്ടലിലാണ് സമ്മേളനം നടക്കുന്നത്. കൊല്ലം ഒഫ്താൽമിക് അസോസിയേഷനും (കെ.ഒ.എ) ട്രിവാൻഡ്രം ഒഫ്താൽമിക് ക്ലബും പത്തനംതിട്ട ഒഫ്താൽമിക് സൊസൈറ്റിയും ചേർന്നാണ് സമ്മേളനം സംഘടിപ്പിക്കുന്നത്. ഇന്ന് ഉച്ചയ്ക്ക് 12.30ന് സമാപന സമ്മേളനം കെ.എസ്.ഒ.എസ് സംസ്ഥാന പ്രസിഡന്റ് ഡോ. രാജീവ് സുകുമാരൻ ഉദ്ഘാടനം ചെയ്യും.