കോൺഗ്രസിന്റെ മൂല്യ തകർച്ച: ഇ.പി. ജയരാജൻ
Sunday 30 November 2025 12:34 AM IST
കണ്ണൂർ: കോൺഗ്രസിന്റെ മൂല്യ തകർച്ചയാണ് ഇപ്പോൾ പുറത്ത് വന്നിരിക്കുന്നതെന്ന് ഇ.പി. ജയരാജൻ. എം.എൽ.എയായ യൂത്ത് കോൺഗ്രസ് നേതാവ് കാണിച്ച ഗുരുതരമായ തെറ്റ് എങ്ങനെയാണ് കോൺഗ്രസിന് ന്യായീകരിക്കാനാവുന്നത്. സ്ത്രീകളെ അപമാനിക്കുന്ന നിലപാടാണിത്. സോണിയാ ഗാന്ധി നയിക്കുന്ന ഒരു പാർട്ടി അല്ലെ ഇത്. വനിതകൾക്ക് കോൺഗ്രസ് പാർട്ടിയിൽ കടന്നു വരാനാകുമോ. കോൺഗ്രസിന്റെ നേതാക്കന്മാർക്കും പ്രവർത്തകന്മാർക്കും പെൺകുട്ടികളില്ലേയെന്നും ജയരാജൻ ചോദിച്ചു. കോൺഗ്രസ് നാശത്തിന്റെ വക്കിലാണെന്നും ശരിയായ നിലപാടെടുത്ത് മുന്നോട്ടു പോകാൻ കോൺഗ്രസിന് കഴിയുന്നില്ലെന്നും അദ്ദേഹം കൂട്ടിച്ചേർത്തു.