വേദി​കൾ കീഴടക്കി​ ഡോ. കൊല്ലം കെ.ആർ. പ്രസാദി​ന്റെ 'ശാകുന്തളം'

കൊല്ലം : ഡോ. കൊല്ലം കെ.ആർ.പ്രസാദ് അണി​യി​ച്ചൊരുക്കി​യ നൃത്തനാടകം 'ശാകുന്തളം' വേദി​കൾ കീഴടക്കി​ മുന്നേറുന്നു. മഹാകവി കാളിദാസൻ എഴുതിയ അഭിജ്ഞാന ശാകുന്തളത്തിന്റെ പുനർവായനയാണ് ശാകുന്തളം നൃത്തരൂപം. ഫ്രാൻസിസ് ടി.മാവേലിക്കരയുടെ രചന സ്റ്റേജിന്റെ പരിമിതികൾ ഭേദിച്ച് സിനിമയെ വെല്ലുന്ന രീതിയിലാണ് കെ.ആർ.പ്രസാദ് സംവിധാനം ചെയ്തിരിക്കുന്നത്. നൃത്തനാടകരംഗത്ത് ഇതുവരെ കണ്ടി​ട്ടി​ല്ലാത്ത നി​രവധി​ മുഹൂർത്തങ്ങൾ ശാകുന്തളത്തി​ലുണ്ട്.

ആധുനിക സാങ്കേതിക വിദ്യകൾ സമാസമം ചേർത്ത്, ഒട്ടും അധികപ്പറ്റില്ലാതെയാണ് ശാകുന്തളത്തിന്റെ നിർമ്മിതി. നൃത്തനാടകം (ബാലെ) എന്ന കലാരൂപത്തിന് പ്രേക്ഷക മനസുകളിലുണ്ടായിരുന്ന സങ്കല്പം അപ്പാടെ മാറ്റിമറിച്ചയാളാണ് ഡോ. കൊല്ലം കെ.ആർ.പ്രസാദ്.