കടുവ സെൻസസ്: വോട്ടിംഗിന് സൗകര്യം

തിരുവനന്തപുരം: ദേശീയ കടുവ സെൻസസിൽ പങ്കെടുക്കുന്ന വനം ഉദ്യോഗസ്ഥർക്ക് തദ്ദേശ തിരഞ്ഞെടുപ്പിൽ വോട്ടിടാൻ സൗകര്യമൊരുക്കാൻ നിർദ്ദേശം. ഇന്ന് മുതൽ ഡിസംബർ 8 വരെയാണ് സംസ്ഥാനത്ത് കടുവ സെൻസസ് . രാവിലെ 6.30 മുതൽ 9.30 വരെയാണ് കണക്കെടുപ്പ്. എട്ടിന് രാവിലെ 9.30ന് ജോലി പൂർത്തിയാക്കി ബന്ധപ്പെട്ട ഉദ്യോഗസ്ഥർക്ക് സ്വന്തം നാട്ടിലെത്തി വോട്ടിടാവുന്ന വിധത്തിൽ സൗകര്യമൊരുക്കാനാണ് മേഖലാ മേധാവികൾക്ക് വനം മേധാവിയുടെ നിർദ്ദേശം.

9ന് നാട്ടിലെത്തുന്നതിന് അസൗകര്യമുണ്ടായാൽ പ്രത്യേക സൗകര്യമൊരുക്കണം.. കടുവ സെൻസസിന് നിയോഗിക്കപ്പെടുന്നവർക്ക് വോട്ടിടാനാവില്ലെന്ന് ചൂണ്ടിക്കാട്ടി സർവീസ് സംഘടനകൾ തിരഞ്ഞെടുപ്പ് കമ്മിഷനടക്കം പരാതി നൽകിയിരുന്നു.