ഓർമിക്കാൻ

1. ജെ.ഇ.ഇ മെയിൻ അപേക്ഷയിലെ തെറ്റ് തിരുത്താം:- ജെ.ഇ.ഇ മെയിൻ 2026 പരീക്ഷാ അപേക്ഷയിലെ തെറ്റു തിരുത്താൻ ഇന്നും നാളെയും അവസരം. അഡ്രസ്, മൊബൈൽ നമ്പർ, ഇ മെയ്ൽ അഡ്രസ്, എമർജൻസി കോൺടാക്ട് വിവരങ്ങൾ, അപ്‌ലോഡ് ചെയ്ത ഫോട്ടോഗ്രാഫ് എന്നിവ ഒഴികെ എഡിറ്റ് ചെയ്യാൻ അവസരമുണ്ട്. വെബ്സൈറ്റ്: jeemain.nta.nic.in

2. പി.ജി.മെഡിക്കൽ ഒന്നാംഘട്ട കേന്ദ്രീകൃത അലോട്ട്മെന്റ്‌:- കേരളത്തിലെ വിവിധ സർക്കാർ, സ്വാശ്രയ മെഡിക്കൽ കോളേജുകൾ, തിരുവനന്തപുരം ആർ.സി.സി എന്നിവിടങ്ങളിലെ 2025- പി.ജി.മെഡിക്കൽ കോഴ്‌സുകളിലേയ്ക്കുള്ള ഒന്നാംഘട്ട കേന്ദ്രീകൃത അലോട്ട്‌മെന്റ്‌ www.ceekerala.gov.inൽ പ്രസിദ്ധീകരിച്ചു. അലോട്ട്‌മെന്റ്‌ ലഭിച്ചവർ ഡിസംബർ 7 ന് ഉള്ളിൽ ബന്ധപ്പെട്ട കോളേജിൽ പ്രവേശനം നേടണം. നിശ്ചിത സമയത്തിനുള്ളിൽ പ്രവേശനം നേടാത്തവരുടെ അലോട്ട്‌മെന്റും ഓപ്ഷനുകളും റദ്ദാകും.