വെബ്‌സൈറ്റിലൂടെ സ്ഥാനാർത്ഥികളെ അറിയാം

പത്തനംതിട്ട : സംസ്ഥാന തിരഞ്ഞെടുപ്പ് കമ്മി​ഷന്റെ ഔദ്യോഗിക വെബ്‌സൈറ്റ് https://www.sec.kerala.gov.in/election/candidate/viewCandidate ലൂടെ തദേശതിരഞ്ഞെടുപ്പിൽ മത്സരിക്കുന്ന സ്ഥാനാർത്ഥികളെ അറിയാം.

ലിങ്ക് ക്ലിക്ക് ചെയ്ത് ജില്ല, തദ്ദേശസ്ഥാപനം, വാർഡ് എന്നിവ രേഖപ്പെടുത്തി കാപ്ച്ച ടൈപ്പ് ചെയ്ത് സെർച്ച് ബട്ടൺ ക്ലിക്ക് ചെയ്താൽ ഓരോവാർഡിലും മത്സരിക്കുന്ന സ്ഥാനാർത്ഥിയുടെ പേര്, വയസ്, ജെൻഡർ, വീട്ടുപേര്, ഫോട്ടോ, രാഷ്ട്രീയ പാർട്ടിയും ചിഹ്നവും, സ്ഥാനാർത്ഥിയുടെ നാമനിർദേശ പത്രിക, പത്രികയോടൊപ്പം സമർപ്പിച്ച വിശദാംശം എന്നിവ കാണാനാകും. തദേശസ്ഥാപനത്തിന്റെ പേര് രേഖപ്പെടുത്താനുള്ള കോളത്തിൽ ഗ്രാമപഞ്ചായത്ത് ജി, ബ്ലോക്ക് പഞ്ചായത്ത് ബി, ജില്ലാ പഞ്ചായത്ത് ഡി , മുനിസിപ്പാലിറ്റി എം, കോർപറേഷൻ സി എന്ന അക്ഷരത്തിൽ ലിസ്റ്റ് ചെയ്തിട്ടുണ്ട്.