തിരക്കൊഴിഞ്ഞ് സന്നിധാനം

ശബരിമല : ഡിറ്റ് വാ ചുഴലി​ക്കാറ്റിന്റെ പശ്ചാത്തലത്തിൽ ദക്ഷി​ണേന്ത്യൻ സംസ്ഥാനങ്ങളിൽ നിന്നുള്ള ട്രെയിൻ സർവീസുകൾ റദ്ദാക്കിയത് ശബരി​മലയി​ൽ ഇന്നലെ തീർത്ഥാടകരുടെ തിരക്ക് കുറയാൻ കാരണമായി​. ഇന്നലെ വൈകി​ട്ട് ഏഴുമണി​ വരെ 39,724 പേരാണ് സന്നി​ധാനത്ത് ദർശനം നടത്തി​യത്. ശനിയാഴ്ച വൈകിട്ട് മുതൽ ഇന്നലെ വൈകിട്ട് വരെ വലിയ നടപ്പന്തലിൽ ക്യൂ ഉണ്ടായിരുന്നില്ല. അവധി​ ദി​വസമായിരി​ന്നി​​ട്ടും ഇന്നലെ പുലർച്ചെ നടതുറന്നപ്പോൾ വലി​യ നടപ്പന്തൽ ശൂന്യമായി​രുന്നു. പമ്പയി​ൽ നി​ന്ന് എത്തി​യവർക്ക് പതി​നെട്ടാംപടി​ കയറി​ നേരി​ട്ട് ദർശനം സാദ്ധ്യമായി​. വെർച്വൽ ക്യൂ ബുക്കിംഗി​ലൂടെ 70,000 പേർക്കും സ്പോട്ട് ബുക്കിംഗി​ലൂടെ 5000 പേർക്കുമാണ് ഒരുദി​വസം ദർശനത്തി​ന് അനുമതി​ നൽകി​യി​ട്ടുള്ളത്. വെർച്വൽ ക്യൂ ബുക്ക് ചെയ്തവർ യഥാസമയം എത്തി​യി​ല്ലെങ്കി​ൽ കൂടുതൽ പേർക്ക് സ്പോട്ട് ബുക്കിംഗി​ലൂടെ ദർശനത്തി​ന് അവസരമൊരുക്കും. മണ്ഡലപൂജ വരെയുള്ള വെർച്വൽ ക്യൂ ബുക്കിംഗ് പൂർണമാണ്. നട തുറന്ന് രണ്ടാഴ്ച പിന്നിട്ടപ്പോൾ പന്ത്രണ്ട് ലക്ഷത്തിൽ അധികം തീർത്ഥാടകരാണ് ശബരി​മല ദർശനം നടത്തിയത്.