അശ്വമേധം: ജില്ലാതല പരിശീലനം നടത്തി

മലപ്പുറം: കുഷ്ഠരോഗ നിർമ്മാർജ്ജന പരിപാടിയുടെ ഭാഗമായി ആരോഗ്യവകുപ്പ് നടപ്പിലാക്കുന്ന അശ്വമേധം സമഗ്ര കുഷ്ഠരോഗ നിർണ്ണയ കാമ്പെയിനിന്റെ ജില്ലാതല പരിശീലനം നടത്തി. ജില്ലാ ആസൂത്രണ സമിതി കോൺഫറൻസ് ഹാളിൽ ജില്ലാ മെഡിക്കൽ ഓഫീസർ ഡോ.ടി.കെ. ജയന്തി പരിപാടി ഉദ്ഘാടനം ചെയ്തു. ഡെപ്യൂട്ടി ജില്ലാ മെഡിക്കൽ ഓഫീസർ ഡോ. എ. ഷിബുലാൽ അദ്ധ്യക്ഷനായി. അസിസ്റ്റന്റ് ലെപ്രസി ഓഫീസർ പി. രാജൻ,​ ഡെപ്യൂട്ടി ജില്ലാ എഡ്യുക്കേഷൻ മീഡിയ ഓഫീസർമാരായ വിൻസന്റ് സിറിൽ, ഡി.എസ്. വിജയകുമാർ, ജൂനിയർ ഹെൽത്ത് ഇൻസ്‌പെക്ടർ സെന്തിൽ കുമാർ എന്നിവർ പരിശീലന പരിപാടിക്ക് നേതൃത്വം നൽകി. ഫീൽഡുതല ആരോഗ്യ സൂപ്പർവൈസർമാരും ആരോഗ്യപ്രവർത്തകരും അടക്കം നൂറോളം പേർ പരിശീലന പരിപാടിയിൽ പങ്കെടുത്തു.