ബി.ജെ.പി സ്ഥാനാർത്ഥി സംഗമം

കുന്ദമംഗലം: ബി.ജെ.പി കുന്ദമംഗലം പഞ്ചായത്ത് സ്ഥാനാർത്ഥി സംഗമം സംഘടിപ്പിച്ചു. ബ്ലോക്ക് ഓ‌ഡിറ്റോറിയത്തിൽ നടന്ന ചടങ്ങ് ബി.ജെ.പി മുൻ സംസ്ഥാന പ്രസിഡന്റ് കെ സുരേന്ദ്രൻ ഉദ്ഘാടനം ചെയ്തു. യോഗത്തിൽ സ്ഥാനാർത്ഥികളെ ഹാരാർപ്പണം നടത്തി വേദിയിലേക്ക് സ്വീകരിച്ചു. ബി.ജെ.പി കുന്നമംഗലം മണ്ഡലം പ്രസിഡന്റ് സുധീർ കുന്ദമംഗലം അദ്ധ്യക്ഷത വഹിച്ചു. ബി.ജെ.പി. മുതിർന്ന നേതാവ് പള്ളിക്കൽ കൃഷ്‌ണൻ,​ ബി.ജെ.പി മുൻ സംസ്ഥാന വൈസ് പ്രസിഡന്റ് പി. രഘുനാഥ്, സംസ്ഥാന സമിതി അംഗം ടി.പി സുരേഷ്, അഡ്വ. കെ.വി സുധീർ, കെ.ടി വിബിൻ, ടി ചക്രായുധൻ, പി സിദ്ധാർത്ഥൻ എന്നിവർ പ്രസംഗിച്ചു.