രൂപയ്ക്ക് വില്ലനായി വരൾച്ച മുതൽ ഫെഡ് ടേപ്പർ ടാൻഡ്രം വരെ

കൊച്ചി: ഈ വർഷം ഏഷ്യയിൽ ഏറ്റവും മോശം പ്രകടനം കാഴ്ച വച്ച കറൻസികളിലൊന്നാണ് രൂപ. ഈ വർഷം ഡോളറിനെതിരെ രൂപയുടെ മൂല്യം ഏകദേശം 5ശതമാനമാണ് ഇടിഞ്ഞത്. ഇന്ത്യയ്ക്ക് സ്വാതന്ത്ര്യം ലഭിക്കുമ്പോൾ രൂപയെ പൗണ്ട് സ്റ്റെ‍ർലിംഗുമായായിരുന്നു ബന്ധപ്പെടുത്തിയിരുന്നത്. അന്ന് ഏകദേശം 3.3 രൂപ എന്നതായിരുന്ന വിനിമയനിരക്ക്. സ്വാതന്ത്യം ലഭിച്ച ശേഷം വ‍ർഷങ്ങളോളം വിനിമയ നിരക്ക് ഭരണപരമായി നിശ്ചയിച്ചിരുന്നു. 1950-ൽ ഒരു ഡോളറിന് ഏകദേശം 4.76 രൂപയായിരുന്നു വിനിമയ നിരക്ക്. 1966ൽ വരൾച്ചയും മറ്റ് ധനപരമായ സമ്മർദ്ദങ്ങളും കാരണം 7.50 രൂപയായി ഇടിഞ്ഞു. ഉദാരവത്കരണ കാലത്തിലെ സമ്മ‍ർദ്ദം,​ കടുത്ത സാമ്പത്തിക പ്രതിസന്ധി തുടങ്ങി പല കാരണങ്ങൾ കൊണ്ട് തുടർന്ന് രൂപയുടെ മൂല്യം ഇടിഞ്ഞുകൊണ്ടേയിരുന്നു. 2000ൽ 45രൂപ കടന്നു. 2013ൽ ഫെഡറൽ റിസർവ് ബോണ്ട് വാങ്ങലുകൾ കുറയ്ക്കുമെന്ന ഹ്രസ്വകാല ഭയം വിപണിയിൽ സൃഷ്ടിച്ച പരിഭ്രാന്തി (ഫെഡ് ടേപ്പർ ടാൻഡ്രം)​യിൽ 56.6 രൂപയായി. 2018 ഓടെ 70 രൂപ കടന്നു. കഴിഞ്ഞ വർഷം ഒരു ഡോളറിന് ഏകദേശം 84.8 രൂപയായിരുന്നു ശരാശരി വിനിമയ നിരക്ക്.

വ​ർ​ഷം​ ​-​ ​ഡോ​ള​റി​നെതിരെ ​രൂ​പ​യു​ടെ​ ​മൂ​ല്യത്തകർച്ച​ ​-​ ​സാ​ഹ​ച​ര്യം

1947 - 3.3 - സ്വാതന്ത്ര്യാനന്തരം പൗണ്ട് സ്റ്റെർലിംഗ് (ബ്രിട്ടീഷ് കറൻസി)​ വഴിയുള്ള വിനിമയനിരക്ക്

1950 - 4.76 - സ്ഥിരനിരക്ക് സംവിധാനം തുടരുന്നു

1966 - 7.50 - വരൾച്ചയ്ക്കും ബിഒപി സമ്മർദ്ദത്തിനും ശേഷമുള്ള പ്രധാന മൂല്യത്തകർച്ച

1991 - 22.74 - വിദേശനാണ്യ പ്രതിസന്ധി, പരിഷ്കാരങ്ങളുടെ തുടക്കം

2000 - 44.94 - ഉദാരവത്കരണത്തിനു ശേഷം, കൂടുതൽ വിപണി നിയന്ത്രിത രൂപ

2013 - 56.57 - വളരുന്ന വിപണികളെ ബാധിച്ച ഫെഡ് ടേപ്പർ ടാൻട്രം

2018 - 70.09 - എണ്ണയും ആഗോള അപകടസാദ്ധ്യതയും രൂപ 70 കവിയുന്നതിലേക്ക് നയിച്ചു

2020 - 76.38 - കൊവിഡ് ഭീതിയും അപകടസാദ്ധ്യത ഒഴിവാക്കലും

2024 - 84.83 - സ്ഥിരമായ കറന്റ് അക്കൗണ്ട്, ഔട്ട്ഫ്ലോ സമ്മർദ്ദങ്ങൾ

2025 - 88–90- മൂലധന ഒഴുക്ക്, താരിഫ്, വ്യാപാര കമ്മിയിലെ കുതിച്ചുചാട്ടം