ക്രിസ്മസ്, പുതുവത്സരം, ശബരിമല : കേരളത്തിലേക്ക് ആറ് സ്പെഷ്യൽ ട്രെയിനുകൾ

തിരുവനന്തപുരം:ചക്രിസ്മസും പുതുവത്സരവും ശബരിമല തീർത്ഥാടനവും കണക്കിലെടുത്ത് റെയിൽവേ കേരളത്തിലേക്ക് ആറ് സ്‌പെഷ്യൽ ട്രെയിനുകൾ അനുവദിച്ചു.

1. നാഗർകോവിൽ-മഡ്ഗാവ് (ഗോവ)സ്‌പെഷ്യൽ (06083/06084): നാഗർകോവിൽ ജംഗ്ഷനിൽ നിന്നു ഡിസംബർ 23,30,ജനുവരി 6 തീയതികളിൽ രാവിലെ 11.40ന് പുറപ്പെട്ട് തിരുവനന്തപുരം കോട്ടയം,കോഴിക്കോട്,മംഗളൂരു വഴി അടുത്തദിവസം രാവിലെ 08.50ന് മഡ്ഗാവിൽ എത്തും. മടക്കസർവീസ് മഡ്ഗാവിൽ നിന്നു ഡിസംബർ 24,31,ജനുവരി 7തീയതികളിൽ രാവിലെ 10.15ന് പുറപ്പെട്ട് അടുത്തദിവസം രാവിലെ 11ന് നാഗർകോവിലിൽ എത്തും.

2.തിരുവനന്തപുരംനോർത്ത്-മംഗളൂരു ജങ്ഷൻ (06041/06042): മംഗളൂരു ജംഗ്ഷനിൽ നിന്നു ഡിസംബർ7,14,21,28,ജനുവരി 4,11,18 തീയതികളിൽ വൈകിട്ട് 6ന് പുറപ്പെട്ട് കോട്ടയംവഴി അടുത്തദിവസം രാവിലെ 6.30ന് തിരുവനന്തപുരംനോർത്തിൽ എത്തും.മടക്കസർവീസ് തിരുവനന്തപുരത്ത് നിന്നു ഡിസംബർ 8,15,22,ജനുവരി5,12,19തീയതികളിൽ രാവിലെ 8.30ന് പുറപ്പെട്ട് അതേദിവസം രാത്രി 08.30ന് മംഗളൂരുവിൽ എത്തും.

3.സിർപൂർ കാഗസ് നഗർ-കൊല്ലം ചർലപ്പള്ളി എക്സ് പ്രസ് (07117/07118): തെലങ്കാനയിലെ സിർപൂർ കാഗസ് നഗറിൽ നിന്നു ഡിസംബർ13ന് രാവിലെ 10ന് പുറപ്പെട്ട് വിജയവാഡ,തിരുപ്പതി,പാലക്കാട്,കോട്ടയം വഴി അടുത്തദിവസം രാത്രി 10ന് കൊല്ലത്തെത്തും. മടക്കസർവീസ് കൊല്ലത്ത് നിന്നു ഡിസംബർ15ന് പുലർച്ചെ 2.30ന് പുറപ്പെട്ട് അടുത്തദിവസം ഉച്ചയ്ക്ക് 12.30ന് ചർലപ്പള്ളിയിൽ (ഹൈദരാബാദ്)എത്തും.

4.ചർലപ്പള്ളി-കൊല്ലം എക്സ് പ്രസ് (07119/07120): ചർലപ്പള്ളിയിൽനിന്നു ഡിസംബർ17,31തീയതികളിൽ രാവിലെ 10.30ന് പുറപ്പെട്ട് സിക്കന്ദരാബാദ്,റായ്ച്ചൂർ,ഗുന്തക്കൽ,സേലം, പാലക്കാട്, കോട്ടയംവഴി അടുത്തദിവസം രാത്രി10ന് കൊല്ലത്തെത്തും. മടക്കസർവീസ് കൊല്ലത്തുനിന്നു ഡിസംബർ19,ജനുവരി2 തീയതികളിൽ പുലർച്ചെ 2.30ന് പുറപ്പെട്ട് അടുത്തദിവസം ഉച്ചയ്ക്ക് 1.20ന് ചർലപ്പള്ളിയിൽ എത്തും.

5.ചർലപ്പള്ളി-കൊല്ലംസ്‌പെഷ്യൽ (വാറങ്കൽ, വിജയവാഡ വഴി) (07121/07122):ചർലപ്പള്ളിയിൽ നിന്നും ഡിസംബർ20ന് രാവിലെ11.15ന് പുറപ്പെട്ട് അടുത്തദിവസം രാത്രി 10ന് കൊല്ലത്തെത്തും.മടക്കസർവീസ് കൊല്ലത്ത് നിന്നു ഡിസംബർ22ന് പുലർച്ചെ 2.30ന് പുറപ്പെട്ട് അടുത്തദിവസം ഉച്ചയ്ക്ക്12.30ന് ചർലപ്പള്ളിയിൽ എത്തും. 6.ഹസൂർ സാഹിബ്-നാന്ദേഡ് -കൊല്ലം സ്‌പെഷ്യൽ (07123/07124): നാന്ദേഡിൽ നിന്നു ഡിസംബർ24ന് പുലർച്ചെ 4.25ന് പുറപ്പെട്ട് നിസാമാബാദ്,വിജയവാഡ,പാലക്കാട്,കോട്ടയംവഴിഅടുത്തദിവസം രാത്രി 10ന് കൊല്ലത്തെത്തും.മടക്കസർവീസ് കൊല്ലത്തുനിന്നു 26ന്പുലർച്ചെ 2.30ന് പുറപ്പെട്ട് അടുത്തദിവസം ഉച്ചയ്ക്ക് 12.30ന് ചർലപ്പള്ളിയിൽ (ഹൈദരാബാദ്)എത്തും. മടക്കയാത്ര ചർലപ്പള്ളി വരെ മാത്രം.