പാമ്പ് കടിയേറ്റ്  മൂന്നാം ക്ലാസുകാരൻ മരിച്ചു

വർക്കല: പാമ്പ് കടിയേറ്റ് മൂന്നാം ക്ലാസ് വിദ്യാർത്ഥി മരിച്ചു. ജനാർദ്ദനപുരം തൊടിയിൽ വീട്ടിൽ അമ്പു വിശ്വനാഥ്-അഥിദി സത്യൻ ദമ്പതികളുടെ ഏകമകൻ ആദിനാഥ് (8)ആണ് മരിച്ചത്. കഴിഞ്ഞ ദിവസം വൈകിട്ട് 6.45 ഓടെയാണ് സംഭവം. വീടിന്റെ മുൻഭാഗത്തെ സ്റ്റെപ്പിൽ കിടന്ന പാമ്പിനെ അറിയാതെ ചവിട്ടിയതോടെ കടിയേൽക്കുകയായിരുന്നു. തുടർന്ന് വീട്ടുകാർ ആദ്യം പാരിപ്പള്ളി മെഡിക്കൽ കോളേജിലും പിന്നീട് തിരുവനന്തപുരം മെഡിക്കൽ കോളേജ് ആശുപത്രിയിലേക്കും കൊണ്ടു പോകവേ രാത്രി 11ഓടെയാണ് മരിച്ചത്. സംസ്കാരം ഇന്ന് രാവിലെ10ന് വീട്ടുവളപ്പിൽ. ജനാർദ്ദനപുരം ഗവ. എം.വി.എൽ.പി സ്കൂൾ വിദ്യാർത്ഥിയാണ്.