ക്ഷാമബത്ത കുടിശിക: ഹർജി 15ലേക്ക് മാറ്റി

കൊച്ചി: സർവകലാശാലാ ജീവനക്കാരുടെ പരിഷ്‌കരിച്ച ക്ഷാമബത്ത കുടിശിക ഉടൻ അനുവദിക്കണമെന്ന ഹർജി ഹൈക്കോടതി 15ന് പരിഗണിക്കാൻ മാറ്റി. 2021 ജനുവരി മുതലുള്ള കുടിശിക ലഭിക്കാനുണ്ടെന്നും, അതിൽ 25 ശതമാനമെങ്കിലും അനുവദിക്കണമെന്നും ആവശ്യപ്പെട്ട് ഫെഡറേഷൻ ഒഫ് ഓൾ കേരള യൂണിവേഴ്‌സിറ്റി എംപ്ലോയീസ് ഓർഗനൈസേഷൻസ് ഉൾപ്പെടെ നൽകിയ ഹർജികളാണ് ജസ്റ്റിസ് എൻ. നഗരേഷ് പരിഗണിച്ചത്. പരിഷ്‌കരിച്ച ക്ഷാമബത്തയുടെ മൂന്ന് ഗഡു അനുവദിച്ചെന്ന് സർക്കാർ ചൂണ്ടിക്കാട്ടിയെങ്കിലും അതിൽ കുടിശിക ഉൾപ്പെട്ടിട്ടില്ലെന്നാണ് ഹർജിക്കാരുടെ വാദം.