വോട്ടെടുപ്പ് ദിനത്തിൽ സ്ഥാനാർത്ഥി മരി​ച്ചു

കൂത്താട്ടുകുളം: പാമ്പാക്കുട പഞ്ചായത്ത് പത്താം വാർഡി​ലെ യു.ഡി.എഫ് സ്ഥാനാർത്ഥി വോട്ടെടുപ്പ് ദിനത്തിൽ മരി​ച്ചു. ഓണക്കൂർ ചേന്നംപറമ്പിൽ സി.എസ്. ബാബു (65) ആണ് പുലർച്ചെ 2.30ന് ഹൃദയാഘാതത്തെ തുടർന്ന് മരിച്ചത്. ഇതോടെ വാർഡിലെ തിരഞ്ഞെടുപ്പ് മാറ്റിവെച്ചു. ജില്ലാ,ബ്ലോക്ക് പഞ്ചായത്തുകളി​ലേക്കുള്ള വോട്ടെടുപ്പ് നടന്നു.

പിറവം മർച്ചന്റ്സ് അസോസിയേഷൻ മുൻ പ്രസിഡന്റും ഓർത്തഡോക്സ് സഭാ മുൻ മാനേജിംഗ് കമ്മിറ്റിയംഗവുമാണ് ബാബു.

ഭാര്യ: ഡാലി ബാബു (മേവള്ളൂർ കുഞ്ഞിരാമൻ മെമ്മോറിയൽ സ്കൂൾ റിട്ട. ഹെഡ്മിസ്ട്രസ്). മക്കൾ: അമല ബാബു (എൻജിനിയർ, യു.കെ), അമൽ സ്കറിയ ബാബു (ആർക്കിടെക്ട്). മരുമക്കൾ: ജോവിഷ് (എൻജിനിയർ, യു.കെ), സ്‌മേര സാറ (ക്യാപ്പിറ്റൽ അസോസിയേറ്റ്സ്, പിറവം). സംസ്കാരം വ്യാഴാഴ്ച വൈകിട്ട് 3ന് ഓണക്കൂർ സെന്റ് മേരീസ് ഓർത്തഡോക്സ് വലിയ പള്ളി സെമിത്തേരിയിൽ.