'മോദിയുടെ  പുസ്‌തകം  വായിച്ച് ഞാൻ ബിജെപിയായി'; പാർട്ടി മാറിയത് സിപിഎം  പഞ്ചായത്ത്  പ്രസിഡന്റ്  

പാലക്കാട്: സിപിഎം പഞ്ചായത്ത് പ്രസിഡന്റ് ബിജെപിയിൽ ചേർന്നു. പാലക്കാട് പൊൽപുള്ളി പ‌ഞ്ചായത്തിലെ നിലവിലെ പ്രസിഡന്റായ ബാലഗംഗാധരനാണ് ബിജെപിയിലെത്തിയത്. ബിജെപി ജില്ലാ പ്രസിഡന്റ് പ്രശാന്ത് ശിവൻ ആണ് പാർട്ടിയിലേയ്ക്ക് സ്വീകരിച്ചത്.

20 വർഷം സിപിഎം ബ്രാഞ്ച് കമ്മിറ്റിയംഗമായിരുന്നു. 2014 മുതൽ 2020വരെ വേട്ടാംകുളം ബ്രാഞ്ച് സെക്രട്ടറിയായി പ്രവർത്തിച്ചു. പാർട്ടി വ്യക്തിയധിഷ്ടിതമായതിനാലാണ് സിപിഎം വിട്ടതെന്നാണ് ബാലഗംഗാധരന്റെ വിശദീകരണം. പാർട്ടി തന്നെ പലപ്പോഴും മാറ്റിനിർത്തി. സത്യം പറഞ്ഞതിനാണ് മാറ്റിനിർത്തിയത്. പ്രധാനമന്ത്രി നരേന്ദ്രമോദിയുടെ പുസ്‌തകം വായിച്ചാണ് ബിജെപിയിൽ ആകൃഷ്ടനായതെന്നും അദ്ദേഹം വ്യക്തമാക്കി.